Жанар Айтжанова Халықаралық электрбайланыс одағының Бас хатшысымен кездесті
Қазақстандық тараптың шақыру негізіне байланысты ү.ж. 16-17 қыркүйек аралығында ХЭО-ның Бас хатшысы Байланыс саласындағы аймақтық достастық әкімшілігі басшыларының Кеңесінің (БСАД ӘК) 55-ші отырысына және ТМД-ға мүше мемлекеттердің ақпараттандыру жөніндегі Үйлестіру кеңесінің 25-ші отырысына қатысады. Іс-шаралар аясында Х.Чжаоның жоғары деңгейдегі ресми өкілдермен бірқатар екіжақты кездесулер жоспарланған.
Кездесу барысында Қазақстанның Тұрақты өкілі Президент Қасым-Жомарт Тоқаевтың Жолдауының ақпараттық-коммуникациялық технологиялар (АКТ) саласындағы негізгі аспектілерін, соның ішінде инфокоммуникациялық инфрақұрылымды дамыту тұрғысынан аймақтағы көшбасшылықты нығайту міндетін атап өтті. Сондай-ақ, ХЭО Бас хатшысының Қазақстанға сапары ынтымақтастықты одан әрі нығайтуға және бірлескен жобаларды жүзеге асыруға серпін беретініне сенім білдірді.
Өз кезегінде, Х.Чжао Мемлекет басшысының Қазақстан халқына Жолдауында жүктелген міндеттер Қазақстанда АКТ-ға халықаралық инвестицияларды ынталандыратындығын және біздің елімізді әлемдік дамудың жаңа сатысында қазақстандық модель ретінде көрсететіндігін атап өтті. Сонымен қатар, ХЭО-ның Қазақстанмен ынтымақтастықты одан әрі кеңейтуге қызығушылығын растады.
Халықаралық электрбайланыс одағы (ХЭО) БҰҰ-ның АКТ саласындағы жетекші агенттігі болып табылады. 1993 жылы ХЭО-ға толыққанды мүше болғаннан бастап, Қазақстан ақпараттық және телекоммуникациялық технологиялардың қарқынды дамып келе жатқан секторының мәселелерін шешуге белсенді қатысып, инновациялар саласында ынтымақтастықты дамытуда.