Жаңа Зеландиядағы су тасқынынан 4 адам көз жұмды

АСТАНА. ҚазАқпарат – Жаңа Зеландияның Солтүстік аралында толассыз жауған нөсер салдарынан қаза тапқандар саны 4 адамға жетті, деп хабарлайды ҚазАқпарат euronews-ке сілтеме жасап.

Төрт күннен бері толастамаған жауынның салдарынан су тасқыны болды. Тұрғын үйлер қирап, тасжолдар жабылды. Елдің 1,5 млн-нан астам халқы бар ең үлкен қаласы Оклендте төтенше жағдай жарияланды. Метеорологтар аймақтағы ауа райының сейсенбіге дейін қолайсыз болатынын, су тасқыны қайталану қаупі бар екенін ескертті.

Жергілікті билік Жаңа Зеландияда жауын-шашынның жиілеп, қарқынды болуына себеп – климаттың өзгеруі екенін айтып отыр.

Фото: Elizabeth Binning/New Zealand Herald