16:48, 16 Наурыз 2023 | GMT +6
Жаңа Зеландия аралында 7 балдық зілзала болды
АСТАНА. ҚазАқпарат – Жаңа Зеландияның Кермадек аралдарында бейсенбі күні жергілікті уақытпен 13:56-да магнитудасы 7,0 балдық зілзала тіркелді. Бұл туралы ҚазАқпарат Синьхуа агенттігіне сілтеме жасап хабарлайды.
Гавай аралдарындағы цунами туралы ескертетін Тынық мұхит орталығы «Кермадек аралдарының кейбір жағалауында 0,3-1 м дейін жететін цунами болуы мүмкін» деп хабарлады.
Ал елдің Төтенше жағдайларды басқару ұлттық агенттігінің дерегі бойынша, күшті жер сілкінісінен кейін Жаңа Зеландияға цунами қаупі төніп тұрған жоқ.