+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

Жаңа телеарна Қазақстан эстрадасының шетелде танылуына жол ашады

2014 жылғы 10 қыркүйек 09:47
Бөлісіңіз:
Жаңа телеарна Қазақстан эстрадасының шетелде танылуына жол ашады

АЛМАТЫ. ҚазАқпарат - Gakku TV жаңа телеарнасының іске қосылуына және 13 қыркүйекте Алматы қаласындағы «Астана» алаңында тұңғыш рет өткізілетін GAKKU ДАУЫСЫ жаңа музыкалық фестиваліне арналған баспасөз мәслихаты өтті.

Арнаның бас продюсері Тимур Балымбетов телеарнаның форматы туралы айтып берді. Оның айтуынша, хабар екі тілде - орыс тілінде және басым бөлігі қазақ тілінде таратылатын болады.

«Бұл тек қазақстандық өнімді ұсынатын Қазақстан тарихындағы тұңғыш телеарна. Оның эфиріне отандық эстраданың бұрынғы өкілдері мен қазіргі заман өкілдерінің үздік жұмыстары шығарылатын болады. Телеарнаның басты мақсаты - қазақ көрерменінің мәдени деңгейін көтеру. Gakku TV қазірдің өзінде Қазақстанның кабельдік желілері арқылы және «Отау ТВ» спутниктік желісі арқылы таратылуда. Телеарнаның жоспарында музыка индустриясының түрлі салалары туралы баяндайтын бағдарламалар топтамасын іске қосу да бар», - деді Тимур Балымбетов.

«Gаkku Media» басшысы Мұстафин Санжардың айтуынша, медиа ресурс Қазақстан эстрадасының шетелге танылуына үлкен септігін тигізбек.

«Біз Gakku.com жаңа жобасын іске қосамыз. Бұл Қазақстан эстрадасының шетелде танылуын қамтамасыз етеді. Ақпараттық ресурс ағылшын тілінде болады. Кейін басқа тілдерге де аударылуы мүмкін», - деді С.Мұстафин.

Баспасөз мәжілісінің спикерлері хабарлағандай, 13 қыркүйекте Алматыда GAKKU ДАУЫСЫ жаңа музыкалық фестивалі өтеді.

«Кейін жоба дәстүрлі түрде жыл сайын өткізіліп тұрады», - дейді ұйымдастырушылар.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT