Жаңа құрылыс ережесі Алматының тарихи орталығын сақтауға бағытталған - әкімдік

None
None
АЛМАТЫ. ҚазАқпарат – Өңірлік коммуникациялар қызметіндегі брифинг барысында Алматының жоспарлау және урбанистика басқармасының басшысы Алмасхан Ахмеджанов қала құрылысын ерекше реттеу аймақтары және оған нелер жататынын жеткізді, деп хабарлайды ҚазАқпарат тілшісі.

Басқарма басшысының айтуынша, қала құрылысының ерешке аймақтарына шекарасы қаланың бас жоспарында бекітілген қала құрылысының ерекше бақылауындағы тарихи орталықтар, сондай-ақ тарихи және мәдени ескерткіштер қорғалатын аймақтар жатады.

«Тарихи орталық шекарасында реставрациялық әрі заңнамада көрсетілгендей, ескерткіштерді жаңғырту немесе қорғау бойынша жұмыстар жүргізуге, қасбеттік шешімдерді және абаттандыруды сақтай отырып, кәсіпкерлік қызмет үшін тұрғын үйді немесе оның бірінші қабатын қайта жабдықтауға рұқсат етіледі», - деді ол.

Сондықтан қорғалатын аймақтардағы тарихи және мәдени ескерткіштердің құрылымын және тарихи ғимараттардың стилі, пропорциясы мен биіктігін бұзуға тыйым салынады.

Сондай-ақ, рұқсат етілген биіктіктен, қоршаған аймақтағы құрылыстардың орташа биіктігінен асып кетуге, тарихи аймақтағы әрі 50 метрге дейінгі радиустағы тарихи-мәдени ескерткіштердің қорғалатын аймақтарындағы сәулеттік шешімінің бұзуылуына жол берілмейді.

Еске салайық, «Қаланың сәулеттік келбетін қалыптастыру және қала құрылысын жоспарлау ережелері» Алматы әкімі Бақытжан Сағынтаевтың тапсырмасы бойынша әзірленген. Құжат VII шақырылған қала мәслихатының кезектен тыс VІ сессиясында қабылданды.


Соңғы жаңалықтар