Жаңа қаулы: 27-ші ақпаннан бастап Ақмола облысында қандай шектеулер алынады
Бұл туралы облыстық санитарлық-эпидемиологиялық бақылау департаментінің басшысы Айнагүл Мусина айтты, деп хабарлайды ҚазАқпарат тілшісі.
Ведомство басшысының айтуынша, жаңа қаулыда бірқатар жеңілдіктер қарастырылған.
Онда:
- қоғамдық тамақтану нысандары аптаның барлық күндері сағат 07.00-ден 24.00-ге дейін жұмыс істейді. Азық-түлік фудкорттарына тек тамақ алуға және жеткізуге рұқсат етіледі;
- ғимараттардың ішіндегі және сыртындағы азық-түлік және азық-түлік емес базарларға жұмыс күндері, сондай-ақ сенбі күндері қолданыстағы жұмыс режимімен жұмыс істеуге рұқсат етіледі, жексенбі күндері жұмысын тоқтата тұрады;
- сауда нысандары (супермаркеттер, гипермаркеттер) қолданыстағы жұмыс режимімен жұмыс істейді;
- сауда нысандары (сауда үйлері, сауда желілері, сауда орталықтары) азық-түлік бөлімдерін қоспағанда, жексенбіде жұмысын тоқтата отырып, қолданыстағы жұмыс режимімен жұмыс істейді. Балалар ойын алаңдары мен аттракциондарының қызметіне тыйым салынады;
- алдын ала жазылу бойынша сұлулық салондарының, шаштараздардың, маникюр мен педикюр қызметтерінің, косметологиялық қызмет көрсететін нысандардың қызметіне рұқсат беріледі;
- спорт орталықтарының, жаттығу залдарының және спорттық-сауықтыру орталықтарының қызметіне алдын ала жазылу бойынша баруға рұқсат беріледі;
- қолданыстағы жұмыс режимі бар сауналар, СПА орталықтарының қызметіне рұқсат беріледі, жексенбі күндері тоқтата тұрады;
- бассейндердің қызметіне алдын ала жазылу бойынша рұқсат етіледі, жексенбі күндері тоқтата тұрады;
- мәдениет объектілеріне (театрлар, кітапханалар, мұражайлар) және кинотеатрларға 20 пайыздан артық толтырумен жұмыс істеуге рұқсат етіледі;
- репетициялардағы адамдардың ең көп саны 30 адамға дейін болуы тиіс.
- белгіленген талаптарды сақтай отырып және ұжымдық іс-шаралар өткізбей діни объектілердің (мешіттер, шіркеулер, соборлар, синагогалар және т.б.) қызметіне рұқсат беріледі.
- қызметкерлердің кемінде 60 пайызы қашықтан жұмыс істеу нысаны сақталады (штат кестесінде 40-тан астам қызметкер болғанда), жұмыс берушілер келушілер мен өз персоналы арасында міндетті бетперде режимін сақтауды бақылауы тиіс.
- 2020-2021 оқу жылының үшінші тоқсанынан бастап рұқсат етіледі: контингенті 300-ге дейін, сыныптардағы балалар саны 15 адамға дейін қалалық және ауылдық мектептерде дәстүрлі форматта оқыту;
жалпы білім беретін мектептерде кезекші сыныптарда 1 - ден 5 - сыныпқа дейін қоса алғанда, халықаралық мектептерде – ата-аналардың өтініші бойынша 15 баладан аспайтын сыныптардың жинақталуын қоса алғанда 7-сыныпқа дейін оқыту; бітіруші сыныптар үшін аптаның 6 күні ішінде құрамдастырылған оқыту (9, 11 (12) сыныптар): пәндердің 70 пайызы штаттық режимде, 30 пайызы қашықтан оқыту (сыныпта 15 адамнан артық емес, әлеуметтік қашықтықты сақтау, 1-сынып-1 кабинет қағидаты бойынша оқыту, бір мезгілде мектепте жобалық қуаттың 30 пайыздан);
- колледждер мен жоғары оқу орындарының I курс студенттері үшін штаттық оқыту екінші семестрінен рұқсат беріледі;
– алдын ала жазылу бойынша балалар кабинеттерінің/түзету орталықтарының, балалар мен ересектердің білім беру орталықтарының қызметін рұқсат етіледі, топты толтыру кезінде-15 адамнан артық емес.
- қалалық автобус, шағын автобус тасымалдарының қозғалысына рұқсат етіледі. 300 км-ден аспайтын қашықтағы облысаралық тасымалдар.;
- отырғызу орындарының 75 пайыздан аспайтын, бірақ 15 адамнан аспайтын толтыру кезінде қалалық тұрақты емес тасымалдарға рұқсат етіледі;
- отырғызу орындарының 75 пайыздан аспайтын, бірақ 15 адамнан аспайтын толуы кезінде қала және облысаралық тұрақты емес (туристік) тасымалдар қозғалысына рұқсат етіледі;
қалааралық жолаушылар поездарының/электр пойыздарының, жалпы вагондарсыз жолаушылар поездарының қозғалысына, сондай-ақ өңірлер арасында жеке автокөліктің қозғалысына рұқсат етіледі;
Бұдан басқа, жаппай, сондай-ақ отбасылық, естелік және өзге де іс-шараларды, оның ішінде үйде, адамдар көп жиналатын іс-шараларды ұйымдастыруға және өткізуге тыйым салу сақталады.
«Осы қаулы 2021 жылғы 27 ақпаннан бастап күшіне енеді және оның ресми күші жойылғанға дейін қолданылады», - деді Ақмола облыстық санитарлық-эпидемиологиялық бақылау департаментінің басшысы Айнагүл Мусина.
Осы ретте, Ақмола облысының санитарлық-эпидемиологиялық бақылау департаментінің басшысы халықты санитарлық ережелер мен қаулылардың барлық талаптарын сақтауға шақырады.