Қолданушы баптаулары
Қолданушы баптаулары
+7 (701) 759 90 19 Лента
USD 376.09 EUR 426.71
RUB 5.72 CNY 55.99
Jańalyqtar

Жаңа әліпбиге көшу: Биыл мұғалімдерді дайындау жұмыстары басталады

2019 жылғы 11 ақпан 13:20 2336
Бөлісіңіз:
Жаңа әліпбиге көшу: Биыл мұғалімдерді дайындау жұмыстары басталады

АСТАНА. ҚазАқпарат - Қазақ тілін латын графикасына көшіру аясында 2019 жылы тіл мамандарын оқыту жұмыстары атқарылады. Бұл туралы ҚР Мәдениет және спорт министрлігі Ш.Шаяхметов атындағы «Тіл-Қазына» ұлттық ғылыми-практикалық орталығы бас директорының міндетін атқарушы директоры Ербол Тілешов мәлім етті, деп хабарлайды ҚазАқпарат.

Ұқсас жаңалықтар
Алматы облысында үш ауысымды мектептер 2021 жылы жойылады Жамбылдық өрендер ел бойынша 7-жыл қатарынан «Ең үздік команда» атанды

«Біздің орталықтың негізгі бағыты - ғылыми сараптамалар жүргізу, сондай-ақ жаңа әліпбидің емле ережелерін халыққа таныстыру және қажетті оқу құралдарымен қамтамасыз ету. 2018 жылы жаңа әліпбидің емле ережесі сараптаудан өтті, шілде айынан желтоқсанға дейін жүргізілді. Атап айтқанда, 6 желтоқсанда Үкіметтің жанындағы ұлттық комиссияда әліпбидің емле ережелері мақұлданды», - деді Е.Тілешов.

Оның сөзіне қарағанда, биыл енді латын графикасына көшу бағытында мұғалімдерді даярлау шаралары іске асырылады.

«2019 жылдағы негізгі жоспарға тоқталсақ, бекітілген емле ережені халыққа үйрету бағытындағы шараларды іске асырамыз. Осы бағытта қажетті мамандарды даярлауға екпін қоямыз. Соған байланысты Білім және ғылым министрлігінде биылға 9 038 адам, Мәдениет және спорт министрлігінде 2 400 адам жоспарланған. Бұл тұрғыда «Тіл-Қазына» орталығы 2 400 адамды Астанада оқытады. Еліміздегі мемлекеттік тілді оқыту орталықтарындағы ұстаздар мен әдіскерлер қамтылады. Біздің министрлік ересек адамдарды оқытуды қолға алады. Ал Білім және ғылым министрлігі мектеп, колледж, университеттерді қамтиды. Атап айтқанда, ең бастапқыда халықты оқытатын ұстаздардың құрамын дайындауымыз керек», - деді Ербол Тілешов.

Осы орайда ол 72 сағаттық оқу бағдарламасы жасалғанын атап өтті.

«Наурыз айының аяғына қарай, біз оның оқу құралын дайындауды аяқтаймыз. Оқу құралы сайтқа салынып, көп тиражбен халыққа таратылады. Сосын барлық өңірлерде семинарлар ұйымдастырылады. Мұнымен қоса, орталық атқарушы органдар, бұқаралық ақпарат құралдары өкілдері, кітаптарды латын қарпінде шығаратын баспа редакторлары оқытылады. Бұл бағыттағы жұмыстар жалғаса береді, яғни биыл онлайн сабақтарды дайындаймыз. Осы онлайн сабақ халыққа қолжетімді болады», - деді ол.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT