+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Жамбылдағы вакцина зауыты өндіріске толық дайын – Ералы Тоғжанов

2021 жылғы 27 қыркүйек 17:04
Бөлісіңіз:
Жамбылдағы вакцина зауыты өндіріске толық дайын – Ералы Тоғжанов

НҰР-СҰЛТАН. ҚазАқпарат – Жамбыл облысында салынып жатқан вакцина шығаратын зауыт іске қосуға дайын. Бұл туралы ҚР Премьер-Министрдің орынбасары Ералы Тоғжанов мәлім етті, деп хабарлайды ҚазАқпарат тілшісі.

«Осы уақытқа дейін зауытта жасалуы тиіс барлық жоспарлы жұмыс уақытылы жасалды. Яғни, монтаждау, жабдықтарды іске қосу және валидация шарасы да толығымен аяқталды. Сол сияқты бүгінде аталған зауыт қызметкерлері де толықтай оқудан өтті. Бір сөзбен айтқанда, бүгінде зауыт өндіріске толық дайын. Өткенге көз жүгіртсек, отандық вакцина алдымен 50 мың дозамен өндірілді, сәуір-шілде айларында оның көлемі 100 мыңға жетті. Ал тамыз айында Биологиялық қауіпсіздік проблемаларының ғылыми-зерттеу институтында (БҚПҒЗИ) отандық QazVac-тың 650 мың дозасы өндірілді», - деді Е. Тоғжанов Үкімет үйінде өткен баспасөз мәслихатында.

Премьер-Министр орынбасарының мәлімдеуінше, қыркүйек айының соңына дейін отандық вакцинаны өндіру көлемі 750 мың дозаға дейін жетуі мүмкін.

«Бұл болашақ зауыт жұмысының қуаттылығын көрсетіп отыр. Алдағы уақытта біз ішкі сұранысты толық қамтамасыз етумен қатар, экспортқа да шыға аламыз», - дейді ол.

Бұған дейін Е. Тоғжанов елімізде той-томалақ өткізуге рұқсат берудің себебін түсіндірген еді.



Біздің каналымызға жазылыңыз:

Бөлісіңіз:

Автор:

Әли Ибраев

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT