+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Жамбылда жыл басынан бері 700-ге жуық өрт оқиғасы тіркелген

2019 жылғы 15 қараша 07:19
Бөлісіңіз:
Жамбылда жыл басынан бері 700-ге жуық өрт оқиғасы тіркелген

ТАРАЗ. ҚазАқпарат – Жамбыл облысында жыл сайын облыс бойынша орташа есеппен алғанда 700-ден астам өрт оқиғасы тіркеледі. Айталық, өткен жылы 691 өрт орын алса, бұл 2017 жылдың сәйкес кезеңімен салыстырғанда 10 пайызға төмен. Ал ағымдағы жылдың басынан бері облыс аумағында 671 өрт орын алып, оның шығыны 88 миллион теңгеден асты, деп хабарлайды ҚазАқпарат тілшісі.

Ұқсас жаңалықтар
Техастағы химия зауыты өртеніп жатыр Петропавлда бес қабатты үйдегі өрттен бір әйел адам қаза тапты Қытайда шахтадағы өрт салдарынан жер астында қалып қойған 11 адам құтқарылды

Өңірде жалпы жыл сайын өрттен келген залал 100 миллион теңгеден асады. Бұл туралы өңірлік коммуникация қызметінде өткен брифингте облыстық төтенше жағдайлар департаменті бастығының орынбасары, полковник Мақсат Қосыбаев баяндады. Ол өрттердің басым бөлігі тұрғындардың отты дұрыс пайдаланбауынан туындайтындығын атап өтті. Бұл себептегі көрсеткіш жалпы деректің 31 пайызын құраса, электр жабдықтарын монтаждау және техникалық пайдалану ережелерін бұзудан 30 пайыз, балалардың отпен ойнауынан - 16, қасақана өртеу 10 пайызды құраған. Ал қалғандары пешпен жылытуды орнату және пайдалану немесе тұрмыстық газ құрылғыларын, электр құралдарын және жылу шығаратын қондырғыларды пайдалану кезінде өрт қауіпсіздігі ережелерін бұзудың салдарынан орын алып отыр.

«Өртенулердің 60 пайызынан астамы тұрғын үй секторына және 20 пайыздан астамы автокөлік құралдарына тиесілі. 2018 жылы облыс аумағында 22 адамның улы газбен улану оқиғалары орын алып, оның салдарынан 35 адам зардап шегіп, 9 адам қаза тапқан. Ал, ағымдағы жыл басынан бері 8 адам улы газбен уланып, оның салдарынан 13 адам зардап шекті, оның ішінде 5 бала, 3 адам мерт болды», -дейді Мақсат Қосыбаев.

Облыс аумағында өрт қауіпсіздігін қамтамасыз ету мақсатында жылыту маусымы алдында облыстың ТЖД жергілікті атқарушы органдармен бірлесіп, профилактикалық іс-шаралар кешенін жүзеге асыруда.

«Облыстың тұрғын үй секторында 148 мыңнан астам адамды қамтитын 99 мыңнан астам тұрғын үйді аралап түсіндіру жұмыстары жүргізілді. Сондай-ақ «ҚазТрансГазАймақ» АҚ Жамбыл өндірістік филиалының өкілдерімен бірлесіп, 30 мыңнан астам адамды қамтитын 616 жиын өткізілді, бұл ретте тұрмыста, газ және электр құралдарын пайдалану кезінде өрт қауіпсіздігі талаптарын сақтау туралы жадынамалар таратылды. Табиғи газбен уланудың алдын алу мақсатында тұрғын үйлерде 1714 табиғи газ датчигі орнатылды»,- дейді аталмыш департамент басшысының орынбасары.

Айта кетейік, тұрғын үй секторындағы алдын алу жұмыстары жылыту кезеңінің соңына дейін жалғасатын болады.

Біздің каналымызға жазылыңыз:

Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT