+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Жамбылда жастарға қызылшаға қарсы міндетті егу басталды

2019 жылғы 18 қыркүйек 09:12
Бөлісіңіз:
Жамбылда жастарға қызылшаға қарсы міндетті егу басталды

ТАРАЗ. ҚазАқпарат – Жамбылда қызылшаға қарсы екпе егу науқаны басталды. Екпе 20 мен 29 жас аралығындағы жастарға міндетті. Бұл туралы Жамбыл облыстық Тауарлар мен көрсетілетін қызметтердің қауіпсіздігі және сапасын бақылау департаменті басшысының орынбасары Ғазиз Надуев айтты, деп хабарлайды ҚазАқпарат.

Ұқсас жаңалықтар
Жыл басынан бері Атырау облысында 764 адам қызылша жұқтырған Батыс Қазақстанда 119 адам қызылша жұқтырған

Дүниежүзілік денсаулық сақтау ұйымының деректері бойынша Еуропа елдерінде қызылша ауруының кең таралуы және өсуі екпенің дер кезінде салынбағандығынан деп танылған болатын. Мұндай қолайсыздық Қазақстанды да айналып өтпеді.

Мамандардың айтуынша, 2018 жылдың қараша айынан бастап біздің елде де қызылша ауруына шалдығушылар саны артқан.
«Аурушаңдық көбіне 0-1 жасқа дейінгі екпе егілмеген балалардың арасында тіркелуде. Осыны ескере отырып, ағымдағы жылдың сәуір айынан бастап 9-10 айлық 11 мыңнан аса балаға егу жұмыстары жүргізіледі. Бұған 3 мыңға жуық дәрігер қамтылған. Ал енді аурушаңдықтың алдын алу мақсатында өңірде 20 мен 29 жас аралығындағы топтарға қызылша мен қызамыққа қарсы қосымша иммундау науқаны басталды»,- Ғазиз Надуев.

Жамбыл облыстық денсаулық басқармасының жұқпалы ауруларды тәуекелдерін басқару консультативті-әдістемелік орталығының басшысы Гуля Мирзабекова облыс бойынша 428 науқас осы инфекциямен ауырып, ем алып шыққанын айтады.

Осы ретте қызылша қандай ауру деген сұраққа да мамандар жауап қатты. «Басты белгілері денеге бөртпелер шығып, жөтел пайда болады. Көз шырышты қабаты тітіркеніп, адамда дене қызуы көтеріледі. Індеттің алдын алмаса пневмония, жүйке тамыр жүйелерінің бұзылуы сияқты асқынуларға соқтырады. Ауа тамшылары арқылы жұғады. Алайда, аурудың алдын-алуда таптырмас құрал - балаға екпе салдыру», - дейді Гуля Мирзабекова.


Біздің каналымызға жазылыңыз:

Басты сөздер: Жамбыл облысы, Медицина,
Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT