Жамбылда жарылыс орнынан тағы бір адамның денесі табылды: қаза тапқандар саны 14 болды

ТАРАЗ. ҚазАқпарат - Жамбыл облысындағы жарылыстан қаза тапқандар саны он төрт адамға жетті, деп хабарлайды ҚазАқпарат.

Бұл жайында Төтенше жағдайлар министрлігінің баспасөз қызметі мәлім етті.

Қорғаныс министрлігінің саперлері оқиға орнынан тағы бір адамның денесін тапты.

Оның жеке бас мәліметтері анықталып жатыр.

Қайтыс болғандар арасында азаматтық қорғау органдарының қызметкерлері де бар.

Жоғалған екі адам іздестірілуде.