+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Жамбылда шаруаның 86 бас жылқысын айдап кеткен

2021 жылғы 13 ақпан 22:33
Бөлісіңіз:
Жамбылда шаруаның 86 бас жылқысын айдап кеткен

ТАРАЗ. ҚазАқпарат – Жамбылдық полицейлер шаруаға жоғалған бір үйір жылқысын тауып берді,- деп хабарлайды ҚазАқпарат тілшісі.

Жамбыл облысы Шу ауданының полиция бөліміне жергілікті тұрғын xабарласып, белгісіз біреулердің аудан орталығынан 85 шақырымдық жерде орналасқан фермасынан 86 бас жылқысын айдап кеткенін айтқан. Осы оқиғаға байланысты Шу аудандық полиция бөлімімен екі жедел-тергеу тобы құрылып, шұғыл түрде іздестіру жұмыстарына кірісті.

«Кәсіби жедел іс-шаралардың нәтижесінде полицейлермен барлық 86 жылқы әртүрлі аумақтардан табылып, иесіне қайтарылды. Қазіргі кезде мал шаруашылығының қожайыны жылқылардың ұрланып кетуіне байланысты шағымданбайтынын айтып, полиция қызметкерлеріне жылқыларын іздестірудегі жедел әрі кәсіби жұмыстары үшін алғысын білдірді» делінген облыстық полиция департаментінің баспасөз қызметінің хабарламасында.

Жамбыл облысының Полиция департаменті азаматтарды жеке шаруашылығындағы малдарының қауіпсіздігіне бақылауды күшейтуге, жайылымдарда малды қараусыз қалдырмауға, сондай-ақ оны бағуды бейтаныс адамдарға сеніп тапсырмауға шақырады.


Біздің каналымызға жазылыңыз:

Бөлісіңіз:

Автор:

Сая Сембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT