Жамбылда мас жүргізуші 7 жылға көлік жүргізу құқығынан айырылды
2021 жылғы 25 қараша 22:54

Жамбылда мас жүргізуші 7 жылға көлік жүргізу құқығынан айырылды

ТАРАЗ. ҚазАқпарат – Жамбыл облысында мас жүргізуші 7 жылға көлік басқару құқығынан айырылды, деп хабарлайды ҚазАқпарат.

Жамбыл облысы Полиция департаментінің қызметкерлері Жуалы ауданы Бәйтерек ауылының аумағын патрульдеу кезінде 47 жастағы жергілікті тұрғынның басқаруындағы Nissan Sunny маркалы автокөлігін тоқтатты.

«Тексеру барысында полицейлер ер адамның автокөлікті мас күйінде басқарғанын анықтады. Тәртіп бұзушыға ҚР ӘҚБтК-нің 608-бабы 1-бөлігі бойынша әкімшілік хаттама толтырылды. Көлік айып тұрағына қойылды»,-делінген полиция хабарламасында.

Кінәлі жүргізуші Жуалы аудандық сотының қаулысымен 15 тәулікке әкімшілік қамауға алынып, 7 жыл мерзімге көлік жүргізу құқығынан айырылды.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT