+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Жамбылда коронавирусты анықтайтын 3 мың экспресс тест сатып алынды

2020 жылғы 7 сәуір 07:41
Бөлісіңіз:
Жамбылда коронавирусты анықтайтын 3 мың экспресс тест сатып алынды

ТАРАЗ. ҚазАқпарат – Жамбыл облысында коронавирусты анықтайтын 3 мың экспресс тест сатып алынды, деп хабарлайды ҚазАқпарат Жамбыл облысы әкімдігіне сілтеме жасап.

Аймақта коронавирус инфекциясының таралу деңгейі тұрақты. Алайда, шектеу шараларын қолдануға байланысты өзекті мәселелер туындауда. Бұл туралы бейнеселекторлық режимінде өткен облыстық жедел штаб отырысында айтылды. Штаб басшысы, облыс әкімі Бердібек Сапарбаев қауіпті инфекция анықталған азаматтар оқшауланып, қажетті медициналық көмек алып жатқандығын, олардың денсаулық жағдайлары тұрақты екендігін атап өтті.

Сондай-ақ, басқосуда облыс әкімінің орынбасары Ержан Жылқыбаев коронавирус инфекциясына қарсы шаралар туралы ақпаратпен бөлісті.

6 сәуірдегі ахуалға сәйкес облыс бойынша 2 000-ға жуық адам карантинге алынған. Оның карантин режимдегі госпитальда жатқаны 1190 адам болса, үй карантиніне 813 адам оқщауланған. Анықталғандай, инфекция табылғандардың барлығы дерлік республиканың басқа аймақтарында және шетелде болып келгендер. Облыс бойынша науқас және ауруға күдікті азаматтар үшін 1 364 төсек-орын дайындалған, оның 490-ы резервте тұр. Инфекцияның жаппай таралуының алдын алу мақсатында ҚР Үкіметінің резервінен Жамбыл облысына медициналық препараттарды сатып алуға 536,9 млн теңге бөлінген. 3 мың экспресс тест сатып алынды. Өңірдегі фармацевтикалық фабрикада және шағын цехтарда медициналық маска шығарылуда.

Б. Сапарбаев дәл қазір барынша жедел әрі батыл әрекет ететін сәт екендігі алға тартты. Мұндай жағдайда салғырттық жол берілмеу керектігін, сонымен қатар, пандемия әлі шырқау шегіне жетпегендігін тілге тиек етіп, жұмыла жұмыс жасау, күшейтілген режимде әрекет ету қажеттігін баса айтты.

Ол сондай-ақ бірінші кезектегі қажетті азық-түлік бағасын тұрақты мониторингілеу маңыздылығына назар аударды. Мемлекет бірқатар әлеуметтік маңызы бар өнімдерге шекті бағаны енгізді.

Біздің каналымызға жазылыңыз:

Басты сөздер: Жамбыл облысы, Медицина,
Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT