Қолданушы баптаулары
Қолданушы баптаулары
+7 (701) 759 90 19 Лента
USD 378.83 EUR 430.99
RUB 6.04 CNY 55.05
Jańalyqtar

Жамбылда канадалық компания каннабис майын өндірмек

2019 жылғы 14 маусым 21:58 586
Бөлісіңіз:
Жамбылда канадалық компания каннабис майын өндірмек

ТАРАЗ. ҚазАқпарат - Жамбыл облысында канадалық «CANNAMEDICA» компаниясы сан сырқатқа ем болатын каннабис майын шығаруға ниетті,-деп хабарлайды ҚазАқпарат тілшісі.

Ұқсас жаңалықтар
Алматыда ядролық технологияларға арналған халықаралық форум өтіп жатыр АИТВ жұқтырған балалар Сан-Францискодағы конференцияға қатысады

Бұл туралы облыс әкімі Асқар Мырзахметовтің төрағалығымен өткен кеңесте айтылды. Аталмыш басқосуда канадалық компания өкілдері Жамбыл облысында каннабис майын өндіретін жобаны жүзеге асыруға ниетті екендіктерін жеткізді. Бұл май медициналық бағытта обыр, буын, өкпе, көз, эпилепция секілді көптеген ауруларға таптырмас емдік қасиетке ие.

Компанияның бақылау кеңесінің мүшесі Абуладзе Константин мырзаның айтуынша, зауыт қалдықсыз технология жүйесіне негізделмек. Негізгі өнімнен қалған қалдықтан қағаз, мата, биоотын шығару көзделуде. Ал, өнім Европа, Канада, Қытайға экспортталмақ. Алғашқы кезеңде 500 тонна, екінші кезеңде 1000 тонна, уақыт өте 5000 тоннаға дейін қара сораны игеруге күш салмақ. Компания өкілдері егер келісім болса зауыт құрылысын алдағы үш жылда толығымен аяқтап, жұмысты бастауға болатынын айтты.

Асқар Мырзахметов жобаны қолдауға дайын екенін, алайда зауыт негізінен есірткісіз  өнім өндіруге бағытталуы тиістігін баса айтты. Ол үшін алдымен  халықаралық ұйымдардың арнайы рұқсатын алу - жұмысты жүйелей түсуге мүмкіндік бермек. Осыны ескерген өңір басшысы компания өкілдерінен өнім өндіру технологиясын, өнім құрамы туралы толық түсінік беруді талап етті. Сондай-ақ, жұмыстар аяқсыз қалып немесе нәтижесіз болмау үшін арнайы екіжақты меморандум жасасуды ұсынды. Ол меморандумда тараптардың  міндеттері мен талаптары нақты белгіленбек.

Айта кетейік, облыс әкімі жоба жүзеге асқан жағдайда негізгі жұмыс күшін жергілікті тұрғындардан тарту керектігіне де жіті көңіл бөлді. Ұсынысқа қарай қажетті мамандарды дайындауға жергілікті билік барынша атсалысатынын жеткізді.

 

 

Біздің каналымызға жазылыңыз:

Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT