+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Жамбылда бюджеттік нысандары жылыту маусымына 100 пайыз дайын

2019 жылғы 1 қазан 14:01
Бөлісіңіз:
Жамбылда бюджеттік нысандары жылыту маусымына 100 пайыз дайын

ТАРАЗ. ҚазАқпарат – Жамбыл облысы алдағы жылу беру маусымына дайын. Газ, электр энергиясын жеткізуде іркіліс болмайды.

Ұқсас жаңалықтар
Түркістанда көпқабатты үйлерде табиғи газды тұтыну жұмыстары пысықталды Нұр-Сұлтан қаласында Энергия үнемдеу тақырыбында халықаралық форум өтеді Қазығұрт ауданында екі елді мекенге газ берілді

Бұл туралы облыстық энергетика және тұрғын үй-коммуналдық шаруашылық басқармасы басшысының орынбасары Құдайберген Қорғанбаев айтты, деп хабарлайды ҚазАқпарат тілшісі.

Басқарма басшысы орынбасарының айтуынша, өңірдегі жылумен жабдықтау нысандарының қысқа дайындығы 99,8 пайызды құрайды. Оның ішінде 437 қазандық жүз пайызға дайын екен.

«Барлығы 340 км болатын жылумен жабдықтау желілерінің 338,5 км-і немесе 99,6 пайыз дайындалды. 969,2 км су құбыры желілерінің 21,1 км-і жөндеу жоспарланған, ол толығымен орындалды. Бюджеттік саланың 1 670 нысаны жүз пайызға дайын. Ал, облыстағы 1 593 көппәтерлі тұрғын үйдің қысқы маусымға 1 579 немесе 99,1 пайызға дайын»,- дейді ол.

Сондай-ақ, Құдайберген Қорғанбаев аймақ тұрғындарын отынмен қамтамасыз ету жұмыстары туралы айтып берді.

«Бюджеттік сала нысандарына қыста 66,4 мың тонна көмір сатып алу жоспарланған. Халыққа 254,6 мың тонна көмір қажет болса, бүгінде оның тек 58 пайызы ғана жеткізілді. Бүгінгі таңда қолданыстағы газ бен мазуттың бағасы бойынша Қаратау және Жаңатас қалалары бойынша жалпы қажеттілік 1,1 млрд теңгені құрайды. Тиісті қаражаттар қарастырылуда»-дейді спикер.

Айта кету керек, «Нұрлы жол» инфрақұрылымдық даму мемлекеттік бағдарламасы аясында қаланың аумағында биыл М-2 және М-4 жылу магистральдары қайта жаңғыртылуда.

Жұмыстар Сыпатай батыр, Көшеней, Қойгелді, Ниетқалиев, Қазыбек би, Аққозиев, Аққошқар Әулие, М.-Х. Дулати, Комратов, Қонаев және Абай, Жамбыл, Төле би даңғылдарында өтеді.

Өткен жылы 1,7 миллиард теңге бөлініп, 6,2 шақырым жылу магистралі қайта жөнделсе, осы жылы жұмыс көлемі айтарлықтай артып, 7,6 миллиард теңге бөлінген болатын. Бұл келесі жылдан бастап қала тұрғындарына ыстық суды жаз айларында үздіксіз беруге мүмкіндік жасамақ.

Біздің каналымызға жазылыңыз:

Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT