+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Жамбылда автобус жүргізушілері бір күнде 150-ден астам жол ережесін бұзған

2021 жылғы 14 маусым 07:48
Бөлісіңіз:
Жамбылда автобус жүргізушілері бір күнде 150-ден астам жол ережесін бұзған

ТАРАЗ. ҚазАқпарат – Жамбылда автобус жүргізушілері тарапынан бір күнде жол қозғалысы ережелерін бұзудың 157 дерегі анықталды,- деп хабарлайды ҚазАқпарат тілшісі.

Ұқсас жаңалықтар

Жамбыл облысы аумағында «Автобус» атты республикалық жедел-профилактикалық іс-шарасы басталды. Іс-шара барысында көліктік бақылау инспекциясының аумақтық бөлімшелерімен, Мемлекеттік кірістер департаментімен және өзге де мүдделі органдардың өкілдерімен бірлесіп, жолға шығар алдында қалалық автобустардың техникалық жай-күйін, жүргізушілердің тіркеу құжаттарының болуы тексеру жүзеге асырылады.

«Республикалық іс-шараның бірінші күні қоғамдық көлік жүргізушілері тарапынан жол қозғалысы ережелерін бұзудың 157 дерегі анықталды. Нақтырақ айтқанда 30 автобус жүргізушісі маневр ережелерін бұзса, 30 жүргізуші қозғалыс кезінде телефонды пайдаланғаны белгілі болды. Жылдамдық режимін бұзудың 15 дерегіне әкімшілік хаттама толтырылып, үш автобус айып тұрағына қойылды», – деп атап өтті Жамбыл облысы ПД жергілікті полиция қызметі басқармасының бастығы Рахымберді Әшкеев.

Барлық бұзушылықтар бойынша әкімшілік хаттамалар толтырылған. Сонымен қатар полиция қызметкерлері жолаушылар мен жүктерді қоғамдық көлікте заңсыз тасымалдаудың алдын алу бойынша тиісті шаралар қабылдауда.

Ағымдағы жылдың басынан бері облыс жолдарында автобус жүргізушілерінің кінәсінен екі ЖКО тіркеліп, үш адам жарақат алған.


Біздің каналымызға жазылыңыз:

Бөлісіңіз:

Автор:

Сая Сембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Дана Телятникова Каз
Дана Телятникова Каз
954-059
REDAKTOR
Айдар Оспаналиев
Айдар Оспаналиев
954-059

MURAǴAT