Жамбылда 274 мемлекеттік қызметшінің орны бос тұр

ТАРАЗ. ҚазАқпарат - Жамбыл облысындағы мемлекеттік қызметшілердің штат саны 5080 болса,  бүгінде оның нақты саны 4806 қызметші немесе 94,6 пайызды құрады. Ал,  бос лауазымдар үлесі - 274 орын немесе 5,4 пайыз, деп хабарлайды ҚазАқпарат.

Ұқсас жаңалықтар

Мемлекеттік қызметшілер қай уақыттан бастап жұмысқа смартфонмен кіре алады

Мемлекеттік қызметке қалай орналасуға болады Маңғыстауда басқарма басшысының үстінен қызметкерлері арыз жазған

Бұл туралы Өңірлік коммуникациялар қызметінде өткен брифингте айтылды. ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаментінің басқарма басшысы Ержан Жұмабеков облыстағы мемлекеттік қызметшілердің орташа жасы - 39,9, орташа мемлекеттік қызмет өтілі - 10,7 жыл екенін жеткізді. Сондай-ақ, бүгінде облыста Президент жанындағы Мемлекеттік басқару академиясының - 16, «Болашақ» бағдарламасының - 3 түлегі мемлекеттік қызметте тер төгіп жүр.

«Өткен жылы 505 мемлекеттік қызметшіге сынақ мерзімі тағайындалса, оның 130-ының сынақ мерзімі аяқталмаған. Есепті кезең ішінде жалпы 1342 мемлекеттік қызметшіні оқыту жоспарланып, жоспар 100 пайызға орындалды. Соның ішінде қайта даярлау курсынан - 516 қызметші, біліктілігін арттыру курсынан 826 қызметші өтті»,-дейді Ержан Жұмабеков.

Айта кетейік, өткен жылы облыста  тестілеуден өтуге барлығы 6042 азамат өтініш білдірген. Өтініш білдірген азаматтардың ішінен 2520 адам немесе 41,7 пайызы тестілеудің шекті мәнінен өткен.