+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Жамбылда 170-тен астам мекеме төтенше жағдай режимін бұзған

2020 жылғы 19 наурыз 14:23
Бөлісіңіз:
Жамбылда 170-тен астам мекеме төтенше жағдай режимін бұзған

ТАРАЗ. ҚазАқпарат – Жамбылдық полицейлер төтенше жағдай режиміндегі 400-ден астам ойын- сауық орындарының жұмысын тексерді, - деп хабарлайды ҚазАқпарат.

Ел Президенті Қ.Тоқаевтың республикада төтенше жағдай режимін енгізуіне және ҚР ІІМ министрі Е. Тұрғымбаевтың тапсырмасы бойынша адамдар көп жиналатын жерлерде бірқатар шаралар қабылданып, уақытша шектеу қойылған болатын.

Күшейтілген режимде жүргізіліп жатқан шаралардың басты мақсаты - қоғамдық тәртіп пен азаматтардың қауіпсіздігін тиісінше қорғауды қамтамасыз ету.

Қазіргі ел өміріндегі күрделі кезеңде Жамбыл облысы полиция департаментінің жеке құрамы да қызмет атқарудың ерекше тәртібіне ауыстырылды.

«Кешкі-түнгі рейдте біздің қызметкерлер облыстың 413 мекемесіне барды. Оның 176-сы енгізілген төтенше жағдай режиміне қарамастан өз жұмысын жалғастырған. Аталған мекемелердің әкімшілігімен түсіндіру жұмыстары жүргізіліп, оның барысында ҚР ӘҚБтК-нің 476- бабының (төтенше жағдай режимін бұзу) талаптары таныстырылды», - деп хабарлады Жамбыл облысының Полиция департаменті бастығының орынбасары полиция полковнигі Темірбек Оразымбетов.

Сондай-ақ, оның айтуынша тексеру барысында полиция қызметкерлері облыс орталығының кафе-барларының бірінің әкімшілігіне қатысты әкімшілік хаттама толтырды, онда түнгі 22.00-ден кейін 50-ден астам адам болған.

Полиция департаменті құқық қорғау органдарының іс-әрекеттеріне түсіністікпен қарауды және төтенше жағдай кезінде азаматтардың қауіпсіздігі мен тәртібін қамтамасыз етуге байланысты қажетті шектеулерге назар аударуды сұрайды. Төтенше жағдай режимі кезіндегі талаптардың сақталуын қадағалау мақсатындағы жұмыстар жалғасуда.



Қажы МҰРАТ


Біздің каналымызға жазылыңыз:

Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT