+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Жамбылда 1000-ға жуық оқушы қатысқан облыстық слет өтті

2019 жылғы 14 қараша 07:34
Бөлісіңіз:
Жамбылда 1000-ға жуық оқушы қатысқан облыстық слет өтті

ТАРАЗ. ҚазАқпарат – ҚР Сыбайлас жемқорлыққа қарсы іс-қимыл агенттігі Жамбыл облысы бойынша департаменті мен облыстық білім басқармасы бірлесіп «Адал ұрпақ» еріктілер клубының облыстық слетін өткізді. Іс-шараға өңірдің барлық аудандары мен Тараз қаласынан 1000-ға жуық оқушы қатысты , деп хабарлайды ҚазАқпарат тілшісі.

Ұқсас жаңалықтар
Қостанай облысының мектептеріне 15 мың компьютер сатып алынбақ Қостанай облысында 265 мектеп қалыпты жағдайда білім береді Асхат Аймағамбетов: Оқу құнын көтермеу үшін ЖОО-ға жағдай жасау керек

Аталмыш іс-шара мектеп оқушыларына рухани-адамгершілік және азаматтық-патриоттық тәрбие беру бағытында сыбайлас жемқорлыққа қарсы мәдениетті қалыптастыру, сонымен қатар «Адал Ұрпақ» ерікті мектеп клубтарының жұмысын қорытындылау мақсатында өтті. Облыс орталғындағы «Баласағұн» орталық концерт залында ұйымдастырылған еріктілер слетінде Тараз қаласы мен барлық аудандардың «Адал Ұрпақ» еріктілер клубының мүшелері жыл бойына атқарылған жұмыстарын баяндап, бейнеролик, фотослайд арқылы презентациялар жасады.

Айта кетейік, бүгінде өңірдегі білім ордаларында азаматтық-патриоттық және рухани-адамгершілік тәрбие беру, сыбайлас жемқорлыққа қарсы мәдениетті қалыптастыру мақсатында «Адал ұрпақ» еріктілер клубтары құрылған. Жиында сөз алған ҚР Сыбайлас жемқорлыққа қарсы іс-қимыл агенттігі Жамбыл облысыбойынша департаментінің басшысы Әділхан Әшірбаев сол туралы кеңінен айтып өтті. Оның айтуынша, бүгінгі күні «Адал ұрпақ» еріктілер клубының жұмысы қарқынды дамып, патриотты және бәсекеге қабілетті жастарды тәбиелеуде өзінің ықпалын тигізіп келеді. Оқушылардың бойында адалдық, парасаттылық қағидаттарын дамыту мақсатында Жамбыл облысы бойынша 392 мектепте «Адал ұрпақ» клубтары құрылып, құрамына 16 мыңға жуық оқушы қамтылған. Жыл басынан бері ауылдық, аудандық, қалалық деңгейде «Адал ұрпақ» ерікті мектеп клубтарының ұйымдастыруымен барлығы 187 іс-шаралар өткізіліп, 42 135 оқушы қамтылды

«Болашақ ұрпағымызға тек тәрбие мен білім берумен шектеліп қана қоймай, адал еңбекқорлыққа да үйретуіміз керек. Адал еңбекқорлық – еліне адал қызмет етуден және сыбайластық іс-әрекеттерден аулақ болудан тұрады. Мемлекетіміздің болашағы саналатын мектебіміздің осындай белсенді оқушыларынан үлкен үміт күтеміз. Өз заңын құрметтеп-қастерлейтін, еліне шын берілген адал ұрпақ – «Мәңгілік Елдің кепілі»,-деді департамент басшысы.

Басқосу барысында қатысушылардың құптауымен алдағы уақытта облыстағы«адал ұрпақ» еріктілер клубтары аясында «үгіт-насихат» топтары құрылатын болды.

Біздің каналымызға жазылыңыз:

Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT