Жамбыл Жабаевтың шығармашылығына қызығушылық танытқан «Лениград» тобына алматылық музыканттар алғысын білдірді (ФОТО)

АЛМАТЫ. ҚазАқпарат - Алматыда жыл алыбы Жамбыл Жабаевтың ескерткіші алдында әнші, сазгер Александр Цойдың «Лениградқа айтар жауабымыз» атты флешмоб өтті.

«Биыл «Ленинград» тобы «Москва, по ком звонят твои колокола» әніне бейнебаян түсірді. Онда қазақ ақыны Жамбыл Жабаевтың ескерткіші туралы эпизод бар. Біз «Ленинград» тобының солисі Сергей Шнуровқа ақынның сөзін әнге қосып, шығармашылығын дәріптегені үшін алғыс айтқымыз келді», - деді флешмобтың ұйымдастырушысы Оксана Цурик.

Аталған шараға белгілі гитаристер, скрипкашылар мен күйшілер, этно-музыканттар қатысты.