+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Жамбыл Жабаевқа арналған 10 томдық жинақтың тұсауы кесілді

2021 жылғы 14 қазан 13:07
Бөлісіңіз:
Жамбыл Жабаевқа арналған 10 томдық жинақтың тұсауы кесілді

НҰР-СҰЛТАН. ҚазАқпарат – Елордада Жамбыл Жабаевтың 175 жылдық мерейтойының аясында шыққан 10 томдық жинақтың тұсаукесері өтті, деп хабарлайды ҚазАқпарат тілшісі.

Ұқсас жаңалықтар

Шараға ҚР Мемлекеттік хатшысы Қырымбек Көшербаев, ҚР Мәдениет және спорт министрі Ақтоты Райымқұлова, ҚР Парламентінің Сенат және Мәжіліс депутаттары, қоғам қайраткерлері мен ғалымдар, зиялық қауым өкілдері қатысты.

Шараның ашылуында сөз сөйлегенМемлекеттік хаты Қырымбек Көшербаев бұл жинақтың маңызына тоқталды.

«Біз бүгін ұлы Жамбылдың 175 жылдық мерейтойы аясында мемлекеттік тапсырыс арқылы жарыққа шыққан 10 томдық жинақтың тұсаукесер рәсімне жиналып отырмыз. Ұлы жырауың соңында қалған соқталы шығармаларын ұлттың игілігне жаратып, келер ұрпаққа жеткізу біз үшін ұлағатты парыз, асыл аманат. Мерейтой жылында ақын шығармаларын насихаттап, халыққа жеткізуде республика көлемінде көптеген мәдени іс-шаралар жүргізілуде. Солардың бірі мемлекеттік комиссия қабылдаған шешімнің аясында жарық көрген осы көптомдықтар дер едім, - деді Қырымбек Көшербаев.

Тұсауы кесілген 10 томдыққа Жамбыл Жабаевтың өткен ғасырдың басынан бастап дүние салғанға дейінгі барша өлеңдері мен айтыстары, жырлары топтастырылған. Сондай-ақ, ақын шығармашылығына қатысты ғалымдардың ғылыми зерттеулері, көрнекті ақын-жазушылардың естеліктері де енген.

«Бүгін тұсауы кесіліп отырған 10 томдық жинақ жамбытануға қосылған үлкен үлес, халқымыздың рухани қазынасын молайтқан іргелі еңбек деп есептейміз. Жыр алыбы Жамбылдың бүкіл мұрасы, оның өмірі мен шығармашылығы туралы естеліктер мен ғылыми зерттеулер, Жамбыл библиографиясы тұңғыш рет толымды басылым ретінде жарыққа шықты», - деген Мемлекеттік хатшы туындының қазақ халқының руханиятына қосылған тағы бір құнды мұра болатынына сенім білдірді.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT