+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Жамбыл облысында жылына 150 мың тонна қант өндіретін зауыт салынады

2019 жылғы 7 қазан 14:12
Бөлісіңіз:
Жамбыл облысында жылына 150 мың тонна қант өндіретін зауыт салынады

ТАРАЗ. ҚазАқпарат – Жамбыл облысы Шу ауданында тәулігіне 8 мың тонна қызылша өндейтін қант зауытының құрылысы басталады, деп хабарлайды ҚазАқпарат тілшісі.

Кәсіпорын «Тараз химиялық паркі» арнайы экономикалық аймағында бой көтереді. Бұл туралы облыс әкімі Асқар Мырзахметовтің аталмыш экономикалық аймақта жоба жүргізуге ниетті кәсіпкерлермен кездесуінде айтылды. Басқосуда аймақ басшысы қант зауытының құрылысын уақыт созбай бастауды тапсырды. Өз кезегінде жоба иелері зауыттың іргетасын қалауға осы жылдың қазан айынан кірісетіндеріне сендірді.

Қазіргі уақытта жобаны жүзеге асыру бойынша «Қызылша» ЖШС компаниясы тиісті жұмыстар жүргізуде. Зауыт тәулігіне 8 мың тонна қызылшаны өңдеп, жылына 150 мың тонна қант өндіруге қуатты болмақ. Жоба құны 200 миллион евро болатын кәсіпорын 2022 жылы толығымен іске қосылады деп күтілуде. Құрылыс жұмыстарына 300-ге жуық адам тартылмақ.

Жобаның мақсаты – тұрақты шикізат базасын құру және қант өндірісінде озық технологияларды қолдану арқылы ел үшін әлеуметтік маңызы бар тауарлардың бірі – қанттың тұрақты және сапалы өндірісін қамтамасыз ету.

Зауытты шикізатпен қамтамасыз ету үшін өңірде 30 мың гектар жерді игеріп, айналымға енгізу жоспарланған. Қазіргі уақытта қант қызылшасын жеке және бірлесіп өсіру мақсатында жергілікті фермерлермен ынтымақтастық бойынша белсенді шаралар атқарылуда.

Біздің каналымызға жазылыңыз:

Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT