+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Жамбыл облысында жалған қалыңдық қолға түсті

2019 жылғы 31 тамыз 02:29
Бөлісіңіз:
Жамбыл облысында жалған қалыңдық қолға түсті

ТАРАЗ. ҚазАқпарат – Жамбылдық полицейлер бірнеше рет жалған неке қиып, алаяқтықпен айналысып келген Айгүл Ниязованы қолға түсірді, деп хабарлайды ҚазАқпарат.

Ұқсас жаңалықтар
ҰҚК операциясы: Адамдарды бопсалайтын қылмыстық топ ұсталды Алматыда арнайы операция кезінде қылмыстық топтан граната, тапанша, пышақ тәркіленді

Жалғыз басты ер азаматтармен некеге отырып, оның туыстарын өзінің алаяқтық «құрығына» түсіріп отырған 48 жасар Айгүл Молдазқызына бұған дейін іздеу жарияланғандығы туралы хабарланған болатын.

Әйел егде жастағы жалғыз басты ер адамдардың сеніміне кіріп, жалған неке қиып отырған. Немесе өз айласын асырғанша азаматтық неке тұрған. Кейін туыстарын жұмысқа орналастырамын, мемлекеттік бағдарлама бойынша тұрғын үй аламыз деген желеумен ақша сұрап алатын болған.

Алаяқ ханым бұған дейін бірнеше мәрте сотты болған. 2017 жылы кезекті қылмысынан кейін бостандыққа шыққан ол баяғы әдетіне тағы басқан. Жаңатас қаласының 52 жастағы ер адамымен азаматтық некеге отырған Айгүл азаматтық күйеуінің туған-туыстарын тақырға отырғызған. Оларға мемлекеттік бағдарлама бойынша Таразда қымбат емес пәтер алуға көмектесемін деп, ақшаларды жинап алып, тайып тұрған.

Қазіргі уақытта полицияда төрт өтініш бар, оның ішінде үшеуі - Сарысу ауданының тұрғындарынан және біреуі семейлік ер азаматтан. Криминалдық полиция басқармасы қызметкерлерінің айтуынша, зардап шеккендердің саны артуы мүмкін.

Күдікті азаматшаға кезекті рет іздестіру жарияланғаннан кейін желідегі суреттерді таныған Тараз қаласының тұрғыны дереу 102-ге қоңырау соғып, Айгүлдің орналасқан мекенжайы туралы хабар берген. Осылайша қылмыскер қолға түскен. Тұрғынның белсенділігі үшін департамент мамандары алғыс білдірді.

«Қылмысқа қарсы күрес – бұл бүкіл қоғамның ісі, ал халықтың көмегі осы қарама-қайшылықта шешуші рөл атқаруға қабілетті. Полиция департаменті барлық жамбылдықтарды кез-келген күдік туғызатын оқиға туралы ішкі істер органдарына дереу хабарлауға шақырады. Тек осылай, бірге, біз өмірімізді тыныш әрі қауіпсіз ете аламыз. Егер сіз осы әйелдің алаяқтық әрекеттерінен зардап шеккен болсаңыз, Сізге ішкі істер органдарына келіп, өтініш жазу қажет»,- делінген облыстық полиция департаментінің баспасөз қызметінің мәлімдемесінде.

Қазіргі уақытта ұсталған неке алаяғы Тараз қаласының тергеу изоляторына қамауға алынды. ҚР ҚК 190-бабы 3-бөлігімен алаяқтық бойынша сотқа дейінгі тергеу басталды.

https://www.inform.kz/kz/zhambyl-oblysynda-zhalgan-kalyndyk-eldi-zar-iletip-zhur_a3557590


Біздің каналымызға жазылыңыз:

Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT