Жамбыл облысында тас жолда қалып қойған 80 автобустың жолаушылары пойызбен жеткізілді

АСТАНА. ҚазАқпарат - Жамбыл облысындағы ауа райының қолайсыздығына және Бурный-Түлкібас тас жолының жабылуына байланысты 23 желтоқсан күні жолаушылары бар 80 автобус Бурное елді мекенінде қар құрсауында қалды, деп хабарлайды «Жолаушылар тасымалы» АҚ баспасөз қызметі.

«ҚТЖ» ҰК» АҚ Жамбыл облысының әкімдігімен бірлесіп, адамдарды Бурное стансасынан облыс орталықтары Тараз және Шымкент қалаларына жедел жеткізуді ұйымдастырды. «Жолаушылар тасымалы» АҚ басшылығы өңірлік бөлімшелерге жолаушыларды жеткізу туралы тапсырма берді. Сонымен, 9 жолаушылар пойызымен  жолға шығам деп тілек білдірген адамдар жеткізілді.