+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Жамбыл облысында суретке түсу үшін вагонның үстіне шыққан 20 жастағы жігіт күйіп қалды

2020 жылғы 26 мамыр 16:20
Бөлісіңіз:
Жамбыл облысында суретке түсу үшін вагонның үстіне шыққан 20 жастағы жігіт күйіп қалды

ТАРАЗ. ҚазАқпарат – Жамбыл облысында пойыздың вагон-цистернасына мініп, фотоға түспек болған Шу қаласының 20 жастағы тұрғыны күйіп қалды, - деп хабарлайды ҚазАқпарат Көліктегі полиция департаментінің баспасөз қызметіне сілтеме жасап.

Биылғы жылдың 24 мамырында Шу қалалық ауруханасының қызметкерінен жедел медициналық жәрдем бригадасының күйік шалған жас жігітті шұғыл жеткізгені туралы хабарлама келіп түсті. Тексеру барысында полицейлер зардап шеккен азаматтың Шу қаласының 20 жастағы тұрғыны екенін анықтады.

«Аталған азамат 24 мамыр күні сағат 20.30-да фотосуретке түсу үшін Шу станциясы паркінің электрлендірілген жолындағы жүк пойызының құрамында тұрған вагон-цистернаға өрмелеп шыққан. Абайсызда ол жоғары вольтты желі сымына түсіп қалған. Нәтижесінде ол 50 пайыз дене және аяқ-қолының І-ІІ-ІІІ дәрежелі электротермиялық күйігін алды. Бұл факт ҚР ҚК-нің 344-бабы 1-бөлігі, яғни, темір жол көлігі қозғалысының қауіпсіздік ережелерін бұзу фактісі бойынша сотқа дейінгі тергеудің бірыңғай тізілімінде тіркелді. Жазатайым оқиға бойынша тергеп-тексеру амалдары жүргізілуде»,-делінген КПД баспасөз қызметінің хабарламасында.

Сондай-ақ, Көліктегі полиция департаментінің бастығы Оңал Бекеевтің айтуынша, ағымдағы жылдың басынан бері көлік полицейлері темір жол төсемінің белгіленбеген жерлерінен өткен 9569 азаматты анықтап, әкімшілік жауапқа тартқан. Сонымен қатар, адамдардың болуына байланысты поездарды шұғыл тежеудің 184 фактісі тіркелген. Оның ішінде ағымдағы кезеңде темір жол көлігінен жарақат алудың 44 фактісі тіркеліп, өкінішке қарай оның жартысынан қайтыс болды.

«Темір жолдар – жеке қауіпсіздік талаптарын сақтаған азаматтар үшін қауіпті емес. Әрбір азамат қауіпсіздік талаптарын толық орындауға міндетті. Бұл өз денсаулығы мен өмірі үшін өте маңызды», - деді полиция полковнигі.


Біздің каналымызға жазылыңыз:

Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT