+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Жамбыл облысында пневмониямен ауырғандар саны 2,6 есеге төмендеді

2020 жылғы 5 тамыз 09:14
Бөлісіңіз:
Жамбыл облысында пневмониямен ауырғандар саны 2,6 есеге төмендеді

ТАРАЗ. ҚазАқпарат – Жамбыл облысында қолға алынған іс-шаралар нәтижесінде, соңғы аптада, яғни, 28 шілде - 4 тамыз аралығында пневмониямен аурушаңдық 2,6 есе төмендеген.

Ұқсас жаңалықтар
Қазақстанда өткен тәулікте 69 адам коронавирустан жазылып кетті Өткен тәулікте Қазақстанда 58 адамнан коронавирус анықталды Алматы емханалары коронавирустың жаңа толқынына дайындықты бастады

Бұл туралы бүгін өңірлік коммуникациялар қызметі алаңында өткен брифингте облыс әкімдігі денсаулық сақтау басқармасының басшысы Марат Жұманқұлов айтты, - деп хабарлайды ҚазАқпарат тілшісі.

Ағымдағы жылдың 4 тамызы бойынша Жамбыл облысында коронавирус індетін жұқтырғандар саны 3863 адамға жетті. 100 мың тұрғынға шаққанда аурушаңдық көрсеткіші 318,4 айналса, тәуліктік өсім 1,3 пайызды (47 жағдай) құраған.

Денсаулық сақтау басқармасы басшысының айтуынша, тіркелген жағдайлардың ішінде 1589 науқас симптоммен, 2094 науқас симптомсыз. Бүгінге дейін инфекциялық стационардан 3004 азамат сауығып шықты.

«Жалпы облыста коронавирус індетін емдеу және оқшаулау шараларын ұйымдастыру мақсатында 2030 төсекқоры жасақталған. Қазіргі таңда инфекциялық стационарда – 199 адам емделуде. Бұл орайда төсек-орын жүктемесі 29,7 пайызды құрап отыр. Реанимация бөлімінде 48 науқас жатса, ИВЛ аппаратында жатқандар-12, оттегіге қосылғандар — 93 адам. Провизорлық стационарда – 295 емделуші және үй жағдайындағы карантинде – 1621 адам бар. Айта кетейік, ағымдағы жылдың 7 айында 12869 адам пневмониямен ауырған. Өткен жылдың тиісті кезеңімен салыстырғанда өсім 38,1 пайызды құрағанымен, атқарылған іс-шаралар нәтижесінде, соңғы аптада 28 шілде – 4 тамыз аралығында пневмониядан аурушаңдық 2,6 есе төмендеді», - дейді Марат Жұманқұлов.

Бұдан бөлек, аймақта жедел жәрдем шақыртулар саны тәулігіне – 1239-ді құрап, салыстырмалы түрде 11,4 пайызға кеміген. Оның ішінде КВИ індетімен 2 есе, пневмониямен шақыртулар 2,4 есеге төмендегені белгілі болып отыр.

Сондай-ақ, спикер өңірде медициналық бұйымдар мен қажетті препараттар жеткілікті екендігін тілге тиек етті. Қазіргі таңда 69 958 дана костюмдер, 424 198 дана бір реттік маска, 42 509 респиратор, 302 451 бір реттік қолғап, 230 вирусқа қарсы препарат, 71 847 антисептик және дезинфекциялық заттардың қоры бар. Медициналық мекемелердегі жеке қорғану құралдарының қоры орташа есеппен 42 күнге жеткілікті екен.


Біздің каналымызға жазылыңыз:

Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT