12:00, 01 Наурыз 2023 | GMT +6
Жамбыл облысында құны 3 млн теңге жуық темекі контрабандасының жолы кесілді
АСТАНА. ҚазАқпарат – Жамбыл облысының «Аухатты» өткізу пунктінде темекі контрабандасының жолы кесілді, деп хабарлайды ҚазАқпарат ҰҚК сілтеме жасап.
«Аухатты» автомобиль өткізу пунктінде Қазақстан аумағына жүктер арасында жасырылған 5500 дана «Oris» және «BOND» маркалы темекілерін заңсыз алып өту әрекетінің жолы кесілді. Тауар құны шамамен 2 800 000 теңгені құрайды. Тәркіленген темекі өнімдері Мемлекеттік кірістер басқармасына тапсырылды», - делінген хабарламада.