+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Жамбыл облысында коронавирустың бір де бір жағдайы тіркелмеген ауыл бар

2021 жылғы 31 қаңтар 20:55
Бөлісіңіз:
Жамбыл облысында коронавирустың бір де бір жағдайы тіркелмеген ауыл бар

ТАРАЗ. ҚазАқпарат – Пандемия басталғалы Жамбыл ауданына қарасты Ерназар ауылдық округінде коронавирустың бір де бір дерегі тіркелмеген, деп хабарлайды ҚазАқпарат тілшісі.

Ұқсас жаңалықтар
Жамбыл облысында дүкенге заңсыз ойын аппаратын орнатқан ауыл тұрғыны сотталды

Бұл — індеттің алдын алу мақсатында ауылдағы жүйелі түрде жүргізілген түсіндіру жұмыстарының нәтижесі дейді тұрғындар.

Ерназар ауылдық округіндегі 796 аулада 1697 адам тұрады. Әлеуметтің әлеуетін арттыру үшін айтарлықтай жұмыстар атқарылған.

Оқушылар үшін білім ордасы, бүлдіршіндерге бөбекжай, дәрігерлік амбулатория, мәдениет үйі мен кітапхана жұмыс істейді. Елді мекенде 75 шаруа қожалығы тіркелген болса, оларға 2471 гектар жер телімі берілген. Округ бойынша тұрғындардың меншігінде 1426 мүйізді ірі қара, 16768 қой-ешкі, 818 жылқы, 92 түйе, 2100 құс тіркелген.

«Ауылда короновирус дертінің бір де бір жағдайы тіркелген жоқ. Бұл үшін күш салып, рейд шараларын өзім бастап ұйымдастырып жүрмін. Ауылдағы мешітте күніне бес мәрте халыққа індеттен сақтану жолдары құлағдар етілсе, әлеуметтік нысандарға жаднамаларды жаппай ілдік. Көрнекі жерлердегі баннерге карантин талаптары жазылған үнпарақтарды жапсырдық. Учаскелік полиция қызметкерлерінің көлігіндегі дыбыс ұлғайтқыштың көмегімен бетперде тағу, арақашықтықты сақтау керектігін көше бойымен хабарладық.

Қандай да бір сырқат белгілері анықталған науқастың бірден дене қызуын өлшеп, дәрігерлермен бірге үйлеріне жедел жеттік.

Бәлкім сақтық шараларына ауыл болып көңіл бөлгеннен болар, бұл індеттен аманбыз», — дейді округ әкімі Мырзахан Әбдіқұлов.

Оның сөзін көшеде шаруалармен жүрген көпшіліктің жаппай бетперде тағуы дәлелдей түскендей.


Біздің каналымызға жазылыңыз:

Бөлісіңіз:

Автор:

Сая Сембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT