Жамбыл облысында бүгін 1-3 градус үсік жүреді - Қазгидромет
Кәсіпорын таратқан деректерге қарағанда, қазанның 1-і күні солтүстік антициклонның әсерінен елдің солтүстігінде, оңтүстігінде, орталығында күн жауын-шашынсыз болады.
Атмосфералық ағындардың әсерінен Қазақстанның батысында жаңбыр, солтүстік-батысында және оңтүстік-шығысында жауын - шашын (жаңбыр, қар), шығысында қар жауады.
Республика бойынша тұман түсіп, жел күшейеді, оңтүстігінде шаңды дауыл тұрады, шығыста жолдарда көктайғақ болады.
Жамбыл, Түркістан, Қызылорда облыстарының басым бөлігінде төтенше өрт қаупі сақталады.
Жамбыл облысының солтүстігінде және таулы аудандарында топырақ бетінде 1-3 градус үсік жүреді.
Астанада көшпелі бұлт шығады. Шығыстан жел соғады, күші 2-7 м/с. Ауа температурасы түнде -5-7°С, күндіз +4+6°С болады.
Алматыда көшпелі бұлт шығады. Желдің жылдамдығы секундына 2-7 м/с-ке жетеді. Ауа температурасы түнде +2+4°С, күндіз +10+12°С болады.
Шымкентте көшпелі бұлт шығады, күн жауын-шашынсыз. Шығыстан жел соғады, күші 8-13, күндіз екпіні 15-20 м/с. Ауаның температурасы түнде +8+10°С, күндіз +20+22°С болады.