Жамбыл облысында «Аманат» платформасының өкілдері Сәдібек Түгелдің штабымен кездесті

ТАРАЗ. ҚазАқпарат - Жамбыл облысындағы «Аманаттықтар» «Ұлы дала қырандары» қоғамдық бірлестігі атынан Қазақстан Республикасы Президенттігіне кандидат Сәдібек Түгелдің аймақтық штабымен кездесті.

Бұл туралы кандидаттың штабынан хабарлады.

«Сайлау процесін бақылау бойынша құрылған «АМАНАТ» азаматтық платформасының мақсаты мен міндеттері жайында айта отырып, «Аманат» азаматтық алаңының (платформасының) Жамбыл облысы бойынша аймақтық штабының жетекшісі Парида Мамедова мен штаб мүшелері бақылаушы күнделігін Сәдібек Түгелдің сенімді өкілдеріне сыйға тартты», - делінген хабарламада.

Айта кетейік, ҚР Президентін сайлау 9 маусымда өтеді. Оған 7 кандидат тіркелген.