Жамбыл облысында алғаш рет педофилге химиялық кастрация жасалады
Қазіргі таңда қалалық емхана мамандары жазаға кесілген қылмыскердің денсаулығын жан-жақты зерделеуде.
Олар сотталушыға қандай химиялық екпе салу керектігін анықтайды.
Жалпы, Жамбыл облысындағы түзеу мекемелерінде жатқан 13 педофилге кастрация жасау жоспарланған.
Оған бюджеттен 1 миллион 373 мың теңге қаражат бөлінген.
Сот шешімі шыққан жағдайда медициналық сараптамадан соң химиялық екпе жасалады.
«Антиандрогендік препараттар тағайындау - ол да өзінше бір үлкен жұмыс, өйткені ол әр адамның физикалық жағдайына байланысты. Оған аллергиялық реакциясы бар ма, жоқ па - соны анықтау үшін бүкіл қан талдауы жүргізіледі. Антиандрогендік препаратпен түзеу мекемелерін қалалық емхана қамтамасыз етеді»,- дейді ҚАЖ департаменті сотталғандарды медициналық қамтамасыз ету тобының бас маман-дәрігері Ерлан Әбдібай.