+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Жамбыл облысында 378 километр жол ақылы болады

2021 жылғы 17 ақпан 23:33
Бөлісіңіз:
Жамбыл облысында 378 километр жол ақылы болады

ТАРАЗ. ҚазАқпарат – Биыл Жамбыл облысында «Батыс Еуропа — Батыс Қытай» көлік дəлізінің 378 километрі ақылы негізге көшеді. Наурыз айында «Тараз – Шымкент», сәуірде «Тараз – Қайнар» бағытындағы автомобиль жолына аталған жүйе енгізіледі, - деп хабарлайды ҚазАқпарат.

Ұқсас жаңалықтар
Елорда әкімі Мәңгілік ел даңғылындағы көлік жүктемесін азайту жолдарын атады «Сарыөзек-Көктал» күре жолы жабылды - Алматы облысы ҚР ИИДМ басшысы жол сапасын қалай тексергенін айтты

Жалпы бұл тәжірибе дамыған елдерде қолға алынған. Осы арқылы жолдардың қауіпсіздігі артып, жолдың күтіміне ерекше мән беріледі, қызмет көрсету сапасы да жақсара түседі екен. Бұл туралы «ҚазАвтоЖол» ҰК» АҚ ЖОФ директорының орынбасары Дəурен Тултаев айттып берді.

«Ақылы жолдарды пайдалану тәжірибесінің табысты іске асуы аясында 2019 жылы инфрақұрылымды дамытудың 2020-2025 жылдарға арналған «Нұрлы жол» бағдарламасы қабылданды. Осыған сәйкес алдағы 4 жылда республикалық маңызы бар 11 мың шақырым жолды ақылы жүйеге енгізу жоспарланған. Оның ішінде «Тараз – Шымкент», «Тараз – Қайнар» бағытындағы автомобиль жолдары ақылы болмақ. «Тараз — Шымкент» жолының ұзындығы 140 километрді құрайды. Техникалық санаты бірінші санатқа жататын автомобиль жолының әр бағыты бойынша 2 жолағы бар, толық 4 жолақты тасжолмен көліктер қатынайды. Ақылы учаске Тараз бен Шымкент қалалары мен Байзақ, Жамбыл, Жуалы, Түлкібас, Сайрам аудандары арқылы өтеді»,-дейді Дəурен Тултаев.

Қазіргі таңда «Тараз-Шымкент» бағытында 3 бақылау аркасы мен клиенттермен жұмыс жасайтын 1 орталық бар. Екінші бағыт «Тараз – Қайнар» бағыты 238 километрді құрайды. Ол учаске Тараз қаласы мен Қордай, Меркі, Т.Рысқұлов аудандары арқылы өтеді. Бұл жол бойында 5 бақылау аркасы мен клиенттермен жұмыс істейтін бір орталық ашылған.

«Барлық төлем жүйесі енгізілген автомобиль жол учаскелерінде міндетті түрде жарықтандыру, үй жануарларының жолға шығып кетпеуі үшін қоршаулар, сондай-ақ, түнгі уақытта жүргізушілердің қауіпсіздігін қамтамасыз ету үшін арнайы белгілер мен катафоттар орнатылады»,-дейді Д.Тултаев.

Жалпы, айта кетейік Еелімізде алғашқы болып ақылы жүйе «Нұр-Сұлтан – Щучинск» автомобиль жолына енгізілген болатын. Бұл жол бүгінде ашылған сәттен бастап (жеті жыл бойы) жиналған қаржы есебінен күтіліп, жолдың бойында қызмет көрсету сапасы жақсарған. Одан кейін ақылы жол санатына (2019 жылы) «Нұр-Сұлтан – Теміртау», «Алматы – Қапшағай» және «Алматы – Қорғас» автомобиль жол учаскелері енгізілген еді.


Біздің каналымызға жазылыңыз:

Бөлісіңіз:

Автор:

Сая Сембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT