+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Жамбыл облысында 29 жастағы көпбалалы ана алтын алқа иесі атанды

2021 жылғы 26 ақпан 00:28
Бөлісіңіз:
Жамбыл облысында 29 жастағы көпбалалы ана алтын алқа иесі атанды

ТАРАЗ. ҚазАқпарат – Жамбыл облысы Сарысу ауданының әкімі Бақытжан Жақсылықов көпбалалы аналарға алтын және күміс алқаны тапсырды. Мұндай құрметке аудан бойынша 25 ана ие болды. Оның ішінде ең жасы - 29 жастағы Арайлым Айтымбетова, деп хабарлайды ҚазАқпарат тілшісі.

Қазіргі таңда Сарысу ауданында көпбалалы отбасылар саны - 1655, оның 1142-сі алтын, күміс алқа иелері.

Ал, Жаңатас қаласында тұратын көпбалалы аналар саны -1380.

Оның ішінде 1015 ана - 4 бала және одан көп баласы бар аналар, яғни мемлекеттік жәрдемақы алатындар.

365 ана - «Алтын алқа», «Күміс алқа», Батыр ана, 1-2 дәрежелі «Ана даңқы» медаль иелері.

Аудан әкімі Бақытжан Жақсылықов бүгін барлық санитарлық талаптарды сақтай отырып, алтын құрсақты аналарға алтын және күміс алқа мен кітапшаларды салтанатты түрде табыс етті.

«Сіздер тек балаларыңыздың алдында ғана ардақты емессіздер. Сіздер мемлекет алдында үлкен еңбек сіңіріп, мемлекет алдында елдің демографиялық өсуіне үлкен үлес қосып, абыройды асырдыңыздар», – деді аудан басшысы.

Шара барысында ақ жарма тілектер айтылып, көпбалалы аналар мемлекет тарапынан ана мен балаға жасалып отырған қамқорлыққа алғысын айтты.


Біздің каналымызға жазылыңыз:

Бөлісіңіз:

Автор:

Сая Сембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT