+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Жамбыл облысында 27 жолаушысы бар автобус аударылып қалды

2018 жылғы 4 шілде 01:10
Бөлісіңіз:
Жамбыл облысында 27 жолаушысы бар автобус аударылып қалды

ТАРАЗ. ҚазАқпарат - Жамбыл облысының Қордай ауданындағы трасса бойында жол апаты болды, деп хабарлайды «ҚазАқпарат» ХАА тілшісі.

1 шілде күні Жамбыл облысындағы трассаның «Алматы-Шымкент» бөлігінде халықаралық бағыттағы жолаушылар автобусы жол-көлік оқиғасына ұшырады. Көліктің салонында 27 жолаушы болған.

Жамбыл облыстық ІІД өкілдерінің алдын ала мәліметтері бойынша, автобус дұрыс бұрылмай, қисайып барып, бір шетіне жатып қалған. Апаттың салдарынан 27 жастағы қыз мерт болып, 6 жолаушы ауыр жарақат алды.

Жамбыл облыстық Денсаулық сақтау басқармасы өкілдерінің «ҚазАқпарат» ХАА тілшісіне жол апатынан зардап шеккендерге қатысты берген хабарламасына сәйкес, 1 шілде күні Қордай аудандық орталық ауруханасына 26 адам денсаулығына шағым айтып келген. Бір адам жедел жәрдем көлігі жеткенше, жантәсілім еткен. 23 адам медициналық көмек көрсетілген соң тұрғылықты жері бойынша амбулаториялық ем алу үшін үйлеріне қайтарылған.

«Бір отбасының 3 мүшесі (ата-анасы мен қызы) Қордай аудандық орталық ауруханасының хирургия бөліміне жатқызылды. Бүгінгі таңда олардың жағдайы тұрақты, орташа деңгейде. Енді олар ем алуды Шымкент қаласында жалғастырады»,-деп нақтылады облыстық денсаулық сақтау басқармасының өкілдері.

Олардың мәліметтерінше, жол апаты болған жерде 4 жедел медициналық жәрдем қызметі жұмыс істеген.

Біздің каналымызға жазылыңыз:

Бөлісіңіз:

Автор:

Айдар Оспаналиев

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT