+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Жамбыл облысында 13 қайырымдылық дүкені жұмыс істейді

2019 жылғы 23 желтоқсан 03:42
Бөлісіңіз:
Жамбыл облысында 13 қайырымдылық дүкені жұмыс істейді

ТАРАЗ. ҚазАқпарат – Жамбыл облысында екі мыңға жуық ерікті қайырымдылықпен айналысуда, деп хабарлайды ҚазАқпарат.

Ұқсас жаңалықтар
Сарыағаш ауданында тұрмысы төмен отбасылар қажетті азық-түлікпен қамтылуда Сайрамда «нұротандықтар» жалғызбасты анаға үй салып берді Көлік полицейлері 82 жастағы кейуанаға көмектесті

Облыс жастары өңірдегі мұқтаждықтың деңгейін анықтау мақсатында 250 мың үй мен ауланы аралап, әр отбасының тұрмыс жағдайына қатысты мәліметті тізіп шыққан. Олар әлеуметтік сауалнама толтырып, мұқтаждықты саралады. Бұл жұмысұа 2 мыңға тарта ерікті тартылған. Аймақта облыс әкімі Асқар Мырзахметовтің бастамасымен волонтерлік-қайырымдылық жобасы бекітіліп, 13 қайырымдылық дүкені ашылды. Оның 3-і Тараз қаласында, 10-ы аудандарда орналасқан. Бұл ерекше дүкендерге келушілерге киім-кешек тегін беріліп, тегін қызмет көрсетіледі. Зат алу үшін бар болғаны жеке куәлігіңізбен келсеңіз болғаны.

Дүкеннен зат алуға келген адам міндетті түрде арнайы дерекқорына тіркеледі. Яғни мәртебесі автоматты түрде анықталады. Кейін мұқтаждығына қарай қолдау көрсетіледі. Бүгінгі күнге дейін 900-ге жуық тұрғынның тізімі жасалған. Оның 40 пайызы дүкенге тұрақты түрде келеді

Мұнда заттарды алып қана қоймай, өткізуге де болады. Ол үшін қаладағы ірі сауда және халық көп жиналатын орындарда арнайы жәшіктер орнатылған. Бүгінгі күнге дейін 5 жарым тонна киім жиналып, бір бөлігі таратылған. Ал оларды жөнге келтіріп, жуып тазалайтын волонтерлар бар. Олар бос уақытында осында келіп жұмыс істейді.

«Әлеуметтік карта бізде 24 тармақтан тұрады. Біз оларға киім, азық-түлік береміз. Бірақ бұл олардың мәселесін толық шешпейтіні белгілі. Сондықтан да отбасындағы жастарды оқыту, кәсіптік бағдар беру, жұмыспен қамту немесе оларды кәсіпке баулу мақсатында грант жобаларға тартамыз», - дейді облыстық жастар ресурстық орталығының директоры Бауыржан Мөрбеков.

Қазір облыс бойынша 1 мыңға адам волонтерлық іспен тұрақты түрде айналысады. Олар жаңа жылдан бастап түрлі бағытта жұмыс істемек. Бірі әлеуметтік саланы таңдаса, енді бірі ұлттық құндылық, рухани жаңғыру, туризм сияқты салаларды қалап отыр.
Біздің каналымызға жазылыңыз:

Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT