+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Жамбыл облысында 100-ден аса жасөспірім полицияға жеткізілді

2020 жылғы 4 желтоқсан 01:50
Бөлісіңіз:
Жамбыл облысында 100-ден аса жасөспірім полицияға жеткізілді

ТАРАЗ. ҚазАқпарат – Жамбыл облысының полицейлері кәмелетке толмағандар арасында рейд өткізді, деп хабарлайды ҚазАқпарат тілшісі.

Бес күндік рейд кезінде полиция қызметкерлері кәмелетке толмағандар арасында қылмысқа жол бермеуге бағытталған іс-шаралар кешенін өткізді.

Іс-шара барысында облыс бойынша ішкі істер органдарына 108 кәмелетке толмаған жасөспірім жеткізілді.

165 ата-ана және өзге де ересек кісілер әкімшілік жауапкершілікке тартылды. Бұл туралы облыстық полиция департаментінің баспасөз қызметі хабарлады.

Оның ішінде, ата-аналардың немесе басқа да заңды өкілдердің балаларды тәрбиелеу жөніндегі міндеттерін орындамағаны үшін бір ата-ана, кәмелетке толмаған 19 баланың түнгі уақытта ойын-сауық мекемелерінде болуына жол бергені үшін сегіз түрлі кафе-бар иелері, алкоголь өнімін сату туралы ҚР заңнамасын бұзғаны үшін сегіз дүкен иесі, кәмелетке толмағандардың түнгі уақытта тұрғын-жайдан тыс жерде болғаны үшін 89 заңды өкіл әкімшілік жауапкершілікке тартылды.

Сонымен қатар өзге де құқық бұзушылықтарға жол берген 40 ересек адамға қатысты әкімшілік хаттамалар толтырылды.

Бес жасөспірім және екі қолайсыз отбасы есепке қойылды. Кәмелетке томағандарды бейімдеу орталығына бір жасөспірім орналастырылды.

Біздің каналымызға жазылыңыз:

Бөлісіңіз:

Автор:

Сая Сембай

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT