+7 (701) 759 90 19
USD 389.59 EUR 429.06
RUB 6.05 CNY 55.07
Jańalyqtar

Жамбыл Ахметбеков штабының өкілдері зауыт жұмысшыларымен кездесті

2019 жылғы 16 мамыр 12:56
Бөлісіңіз:
Жамбыл Ахметбеков штабының өкілдері зауыт жұмысшыларымен кездесті

НҰР-СҰЛТАН. ҚазАқпарат - Нұр-Сұлтан қалалық комитетінің бірінші хатшысы, Нұр-Сұлтан қалалық сайлауалды штабының жетекшісі Н.Оразханов қалалық комитеттің активімен бірге Қазақстанның электротехникалық құрылғыларын өндіретін алдыңғы қатарлы кәсіпорын - «Астана электротехника зауыты» ЖШС-де болып қайтты. Бұл туралы Қазақстан коммунистік халықтық партиясының баспасөз қызметі хабарлады.

Айта кетейік, бұл кәсіпорын өндіріс ауқымын арттыру мен жетілдіру қарқыны бойынша да алда келе жатыр.

Еңбек ұжымы алдындағы сөзінде Н.Оразханов электротехникалық құрылғыларды өндіру елдің өндіріс саласында әрқашанда сұранысқа ие екендігін атап өтті. Үміткердің өкілі қазіргі таңда ҚР Парламенті Мәжілісінде орынға ие Қазақстан Коммунистік Халық партиясы мемлекеттік деңгейде қарапайым халық мүддесін қорғау бойынша жұмыс атқарып жатқанын айтты. «Халық коммунистері» фракциясы халықпен тығыз жұмыс жасайды, халықтың шағымдарын қарастырып, мемлекеттік органдар мен министрліктерге әлеуметтік сипаттағы мәселелер бойынша депутаттық сауалдар жолдайды.

Үміткер, партия және оның Қазақстан Республикасы Парламенті Мәжілісіндегі фракциясы қазақстандық саясаттың бел ортасында еңбек адамы, оның өмірі, зияткерлігі, мәдениеті мен саламаттылығы, ел мен қоғамға қызмет етуге деген ұмтылысы болуын талап етуді жалғастырады.

«Біз, Қазақстанның көптеген сайлаушылары біздің экономикадағы, әлеуметтік-саяси өмірдегі ұстанымымызды қолдайтынына сенеміз, сондықтан Қазақстан Республикасы Президентінің сайлауында біздің үміткерге дауыс беруге шақырамыз», - деді Н.Оразханов.

Қалалық комитет жетекшісі сайлауалды бағдарламаны таныстырып, тұғырнаманың барлық бағыттарын қысқаша мазмұндап берді. Ол ҚКХП үнемі қарапайым азаматтардың мүддесін қорғауға басымдық беріп отыратынын атап өтті.

Қатысушылар азық-түлік пен көпшілік қолданатын тауар бағасының өсуі, медициналық қызметтің сапасы, баспана, зейнетақы жүйесі, жалпы әлемдегі және елдегі экономикалық жағдай төңірегінде сұрақтар қойды.

Н.Оразханов сұрақтарға жауап берген соң кәсіпорын қызметкерлеріне алғысын білдіріп, әрбір азаматты ҚР Президентінің сайлауына белсене қатысуға шақырды.

Штаб жетекшісінің айтуынша, үгіт-насихат жұмысы белсенді түрде атқарылып жатыр. Штаб кеңсесі журналистер мен сарапшылар үшін үнемі ашық, үгіт-насихат өнімдері жеткілікті және үміткердің сайлауалды командасының мүшелері қажетті түсіндіру жұмыстарын жүргізуге дайын.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT