+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Жалпыға бірдей салықтық декларация: Алдағы 5 жылда кімдер міндеттеледі

2021 жылғы 27 сәуір 11:21
Бөлісіңіз:
Жалпыға бірдей салықтық декларация: Алдағы 5 жылда кімдер міндеттеледі

НҰР-СҰЛТАН. ҚазАқпарат – ҚР Қаржы министрі Ерұлан Жамаубаев алдағы 5 жылда жалпыға бірдей салықтық декларация тапсыратын санаттарды айтып берді, деп хабарлайды ҚазАқпарат.

Ұқсас жаңалықтар
Құрылыс материалдары алыпсатарлықтан қымбаттауы мүмкін – Серік Жұманғарин Жыл соңында инфляция жоғары болуы мүмкін – Ұлттық банк Қазақстанның Ұлттық қорында қанша актив бар

«Биыл 1 қаңтардан бастап декларацияны мемлекеттік қызметшілер және оларға теңестірілген тұлғалар мен олардың жұбайлары тапсыра бастады. 2023 жылғы 1 қаңтардан бастап – мемлекеттік мекемелер мен квазимемлекеттік сектор қызметкерлері мен олардың жұбайлары тапсырады», - деп атап өтті министр Үкімет отырысында.

2024 жылғы 1 қаңтардан бастап – заңды тұлғалардың басшылары мен құрылтайшылары, сондай-ақ жеке кәсіпкерлер мен олардың жұбайлары үшін декларациялау енгізіледі.

2025 жылғы 1 қаңтардан бастап - азаматтардың қалған барлық санаттары тапсырады.

«Азаматтарға арналған үкімет» МК инфрақұрылымын кеңейту бойынша шаралар қабылданды. Атап айтқанда, салықтық декларацияны қағаз түрінде халыққа қызмет көрсету орталықтары, мемлекеттік кірістер органдары немесе пошта бөлімшелері арқылы ұсынуға болады. Корпорацияның фронт-офистері «Connection Point» өзіне-өзі қызмет көрсету секторымен жабдықталған. Халыққа ыңғайлы болу үшін декларация тапсыруға электрондық қызметтер – салық төлеуші кабинеті, «Электрондық үкімет» веб-порталы және «Е-Salyq Azamat» мобильді қосымшасы бар. Тұрғындар электрондық цифрлық қолтаңбаны (ЭЦҚ) алуға онлайн өтінім бере алады, ал «Салық төлеушінің кабинетіне» смс-код арқылы ЭЦҚ-сыз кіруге болады», - деп түсіндірді Е. Жамаубаев.

Министрдің айтуынша, қабылданған шаралар жеке тұлғалардың салық декларацияларын қабылдауды уақытылы ұйымдастыруға көмектеседі.

Айта кетейік, жалпыға бірдей декларациялау шарасы табыс салығын азайтуға мүмкіндік береді.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT