+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Жалпы ішкі өнімге шаққандағы көлеңкелі экономика 23% төмендеді

2020 жылғы 30 маусым 09:59
Бөлісіңіз:
Жалпы ішкі өнімге шаққандағы көлеңкелі экономика 23% төмендеді

НҰР-СҰЛТАН. ҚазАқпарат – ҚР Қаржы министрінің міндетін атқарушы Берік Шолпанқұлов көлеңкелі экономиканы төмендету жөніндегі шараларды баяндады, деп хабарлайды ҚазАқпарат тілшісі.

Оның айтуынша, ҚР 2025 жылға дейінгі стратегиялық даму жоспарында 2025 жылға қарай ЖІӨ шаққандағы көлеңкелі экономика үлесін 20%-ке дейін төмендету индикаторы көзделген.

«Қойылған міндеттерге қол жеткізу үшін Үкімет Көлеңкелі экономикаға қарсы іс-қимыл жөніндегі 2019-2021 жылдарға арналған шаралар жоспарын жүзеге асыруда. Жоспардың негізгі бағыттары: салықтық және кедендік әкімшілендіруді цифрландыру; қолма-қол ақшасыз есеп айырысуды дамыту; қылмыстық жолмен алынған кірістерді заңдастыруға қарсы іс-қимыл және заңнаманы жетілдіру болып табылады. Жоспарда қабылданған шаралар арқылы өткен жылы көлеңкелі экономика жалпы ішкі өнімге шаққанда 23,62%-ке дейін төмендеді», - деді Б. Шолпанқұлов Үкіметтің бүгінгі отырысында.

Әсіресе, сауда саласында көлеңкелі экономиканың айтарлықтай төмендегені байқалады (10,7%). Өзге де салалар бойынша – «Көлік және қоймалау» – 17%, «Ауыл, орман және балық шаруашылығы» – 9,7%, «Құрылыс» – 8,3%, «Өңдеу өнеркәсібі» - 6,5% дейін төмендеген.

«2019 жылы бюджетке қосымша 1,5 трлн теңге түсті. Түсімнің негізгі сомасы - шамамен 916 млрд теңге салық және кедендік цифрландырудан түскен. Қалған 580 млрд теңге басқа бағыттарға тиесілі», - деді спикер.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT