+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Жалған вакцина паспорты мен ПТР анықтамасы үшін 86 іс қозғалды – ҚР ІІМ

2021 жылғы 28 шілде 18:07
Бөлісіңіз:
Жалған вакцина паспорты мен ПТР анықтамасы үшін 86 іс қозғалды – ҚР ІІМ

НҰР-СҰЛТАН. ҚазАқпарат – Жыл басынан бері полиция органдары жалған вакцина паспорты мен ПТР анықтамалары үшін 86 қылмыстық іс қозғады. Бұл туралы ҚР Ішкі Істер министрінің орынбасары Арыстанғани Заппаров айтып берді, деп хабарлайды ҚазАқпарат тілшісі.

Ұқсас жаңалықтар
Астанада 3 ай бойы вакцина паспортын қолдан жасап сатқан топ ұсталды Петропавл тұрғындары шекарадан кедергісіз өткізу үшін ПТР тестін қолдан жасап, сатып келген

Оның айтуынша, интернет-ресурстарды мониторингілеу бойынша жұмыстар жүргізілуде. ІІМ және оның аумақтық бөлімшелерінде жалған құжаттарды сату туралы хабарландыруларды анықтау бойынша тұрақты мониторинг топтар жұмыс істейді.

«Мәселен, әлеуметтік желілер мен мессенджерлерде жалған вакциналау паспорттарын немесе ПТР анықтамаларды сату туралы 62 хабарландыру анықталды. Әзірге олардың 29-ы бұғатталған. Сонымен бірге жалған құжат сатып алуға тырысып, алаяқтардың құрбанына айналуға болатынын атап өткен жөн», - дейді А. Заппаров.

Полиция қызметкерлері медициналық орталықтарды, емханаларды, вакцина алу пункттерін тексеруді жалғастыруда.

«Жыл басынан бері полиция органдары 86 қылмыстық іс қозғады, оның 39-ы вакциналау паспортын және 47-сі ПТР-анықтаманы қолдан жасағаны үшін жауапқа тартылды. Қылмыстық кодекстің 385-бабы – жалған құжаттарды, мөртабандарды, мөрлерді, бланкілерді және т.б. қолдан жасау, дайындау немесе өткізу бойынша 4 жылға дейін бас бостандығынан айыру, ал оны пайдаланғаны үшін 40 тәулікке дейін қамауға алу қарастырылған. Осыған байланысты ІІМ сақтық шараларын ұстанып, заң бұзушылыққа жол бермеуге шақырады», - дейді Арыстанғани Заппаров.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT