+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Жалған медициналық құжаттар сатқан 3 түркістандық азамат ұсталды

2021 жылғы 26 шілде 12:13
Бөлісіңіз:
Жалған медициналық құжаттар сатқан 3 түркістандық азамат ұсталды

НҰР-СҰЛТАН. ҚазАқпарат – Түркістан облысында жалған медициналық құжаттарды жасап, сатқан 3 азамат ұсталды, деп хабарлайды ҚазАқпарат тілшісі.

Ұқсас жаңалықтар
СҚО-да әкімшілік қамаудан босаған ер адам көлік айдап кеткен Алматыда қылмыс деңгейі 5,4% төмендеді Атырауда көлік терезесін сындырып 2 млн теңге ұрлағандар ұсталды

«Министрліктің Тергеу департаментіне қарасты әскери тергеу басқармасы Түркістан облысында жалған медициналық құжаттар жасаған 3 азаматты ұстады. Олардың арасында Сарыағаш аудандық ауруханасының медбикесі де бар. Дәрігер «COVID-19» індетінің өршіп тұрғанына қарамастан Қазақстан мен Өзбекстанның шекарасынан өтушілерге жалған медициналық құжаттар жасап, ұсынған. Анықталғандай ұсталғандар қазақстандық медицина мекемелерінің атынан жалған түрде ем алуға шақырту құжатын әзірлеген және оны 3-8 мың теңге аралығындағы бағаға сатқан. Қолдан жасалған құжат медициналық мекеменің шақыруымен келемін деген желеу арқылы Қазақстанның аумағына өтуге рұқсат үшін жасалған» ,- деді ҚР Ішкі істер министрлігінің өкілі Шұғыла Берікқызы ҚР ІІМ-де онлайн өткен баспасөз мәслихатында.

Оның айтуынша, тергеу барысында күдіктілерден мөр қойылған 1266 медициналық бланк табылды.

«Бүгінде ҚР ҚК-нің 385 бабына сәйкес, «жалған құжаттар жасау» деген айыппен сот алды тергеу шаралары жүріп жатыр. Осы орайда ІІМ жалған құжат әзірлегені үшін азаматтар 4 жылға дейін бас бостандығынан айрылатынын және оны пайдаланғаны үшін 40 күнге дейін қамауға алынатынын ескертеді», - дейді ол.

Бұған дейін Алматыда өгей қызын өлтірді деген күдікпен 47 жасар ер адамның ұсталғаны туралы хабарлаған болатынбыз.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT