Жалақы бірқалыпты қарқынмен өсуде - Тимур Сүлейменов

АСТАНА. ҚазАқпарат - Қазақстандықтардың жалақысы бірқалыпты қарқынмен өсуде. Бұл туралы бүгін Үкіметтің селекторлық режімдегі отырысында  Ұлттық экономика министрі Тимур Сүлейменов айтты, деп хабарлайды ҚазАқпарат тілшісі.

«Еңбек нарығында тұрақтылық сақталады. Ағымдағы жылдың басынан бері 297,1 мың адам жұмысқа орналастырылды. Жұмыссыздық деңгейі - 4,9 пайыз», - деді министр.

Оның айтуынша, жалақы да бірқалыпты қарқынмен өсуде.

«Ағымдағы жылғы қаңтар-шілдеде орташа айлық жалақы 157,7 мың теңгені құрады және нақты мәнінде 2,3 пайызға өсті. Ағымдағы жылдың қаңтар-маусымда нақты ақшалай кірістер 1,0 пайызға артты», - деді Тимур Сүлейменов.