Қолданушы баптаулары
Қолданушы баптаулары
+7 (701) 759 90 19 Лента
USD 382.38 EUR 428.30
RUB 5.97 CNY 55.39
Jańalyqtar

Жалағашта аудандық аурухана құрылысы басталды

2019 жылғы 15 мамыр 22:21 696
Бөлісіңіз:
Жалағашта аудандық аурухана құрылысы басталды

ЖАЛАҒАШ. ҚазАқпарат - Қызылорда облысы Жалағаш ауданында аудандық аурухана құрылысы басталды, деп хабарлайды ҚазАқпарат тілшісі.

Ұқсас жаңалықтар
Үкімет кепілдендірілген тегін көмек пен медициналық сақтандыру қызметтерінің тізімін бекітті 2020 жылдан бастап МӘМС жүйесімен халықтың 94,5 пайызын қамту жоспарлануда - министр

Бүгінде Жалағаш ауданында 37 мыңға жуық адам тұрады. Десе де онда жергілікті тұрғындарға заманауи деңгейде қызмет көрсететін аурухана болмай келді. Сол түйткілдің түйіні жақын уақытта шешілетін болды.

Тұңғыш Президент - Елбасы Нұрсұлтан Назарбаевтың 2018 жылғы 5 қазандағы Қазақстан халқына жолдауында ауылдық жерлерде алғашқы медициналық-санитарлық көмектің қолжетімді болуын қамтамасыз ету шарт екені көрсетілген. 

Жалағаш аудандық ауруханасының іргетасын қалау рәсіміне облыс әкімі Қырымбек Көшербаев қатысты.

Аймақ басшысы аталмыш шараға жиналған жұртшылықты Қасиетті Рамазан айы және жаңа аурухана құрылысының басталуымен құттықтады

Жалағашта аудандық аурухана құрылысы басталды 

«Кеше өңірімізде ел Президенті Қасым-Жомарт Кемелұлы Тоқаев жұмыс сапарымен болды. Мемлекет басшысы Сыр өңіріндегі елдің әл-ауқатын еселеп, халқымыздың бақ-берекесін арттырған өңір екенін айтып, біздегі кәсіпкерлік, индустрияландыру, құрылыс жұмыстарына оң бағасын берді. Бұл бағалауда Сіздердің баршаңыздың туған жерімізді дамытуға қосқан өлшеусіз үлестеріңіз бар екенін атап өткім келеді. Жалағаш ауданында да сол игілікті істі жалғастырып, халыққа сапалы медициналық көмек көрсету мақсатында 100 орындық жаңа аурухана құрылысын салуды бастағалы отырмыз. Ауданда жаңа типтегі, заманауи құралдармен жабдықталған аурухана салу өзекті мәселелердің бірі еді. Бұрынғы орталық аурухана 1997 жылы асар әдісімен салынған. Біздің міндетіміз - халықты сапалы және қолжетімді медициналық қызметтермен қамтамасыз ете отырып, заманауи аурухана, емханаларда ем алуына жағдай жасау», - деді аймақ басшысы.

Аудан тұрғындарының өзекті мәселесінің шешім тапқаны үшін денсаулық сақтау саласының ардагері Сахы Қалыбаев облыс әкіміне алғысын білдірді.

Айта кетейік, аурухана құрылысын аяқтау 2020 жылға жоспарланып отыр.

Жалағашта аудандық аурухана құрылысы басталды 

 

 

Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT