+7 (701) 759 90 19
USD 389.52 EUR 429.21
RUB 6.07 CNY 54.94
Jańalyqtar

Жақып Асанов Ақтау қалалық сотының төрағасына қатысты жағдайға түсінік берді

2019 жылғы 14 ақпан 13:11
Бөлісіңіз:
Жақып Асанов Ақтау қалалық сотының төрағасына қатысты жағдайға түсінік берді

АСТАНА. ҚазАқпарат - ҚР Жоғарғы сотының төрағасы Жақып Асанов Ақтау қалалық сотының төрағасы Мәлік Кенжалиевке қатысты қызметтік тексеріс бойынша түсінік берді, деп хабарлайды ҚазАқпарат тілшісі.

«Егер компанияда қызметкер нашар жұмыс істесе, оны бірден қызметінен босатады. Ал сотта бұлай істеуге болмайды. Сотта көп сатылы рәсім іске асырылады және ол жарты жылға жалғасады. Осы қарастыру процесі жаз кезінде басталған болатын. Жазда бұл мәселеге қатысты шағым түсіп, кейіннен жазба өтініші болды. Яғни бұл рәсім дұрыс, барлық елдерде осылай іске асырылады. Атап айтқанда, Жоғарғы сот немесе облыстық сот төрағасы судьяны бірден жұмысынан босата алмайды. Бұл тұрғыда тәуелсіздік кепілі бар», - деді Ж. Асанов Сенаттың жалпы отырысында.

Осы орайда ол қандай жағдайда судья қызметінен босатылатынын түсіндірді.

«Біріншіден, көп сатылы рәсімдерден өту керек. Екінші жағынан жоғары тұрған сот инстанциясы судья үкімі мен шешімінен өрескел заң бұзушылықтарды анықтаса, тиісті талқылау жүргізіледі. Осы жағдайлар сот жюриінде талқылау жүргізуге бастама бола алады», - деді Жоғарғы сот төрағасы.

Сонымен қатар Жақып Асанов аталған судьяның мәселесін қарастырудың алдағы тәртібіне тоқтала келе, «Менің пікірім мен сот жюриінің көзқарасы сәйкеспеуі мүмкін. Осы мәселеде 9 судья шешім қабылдады. Осыған дейін Маңғыстау облыстық сотында және судьялар одағы комиссиясында шешім жасалды. Яғни бағаны судьялар береді. Енді бұл мәселе Жоғарғы сот кеңесінің алаңында қарауға шығарылады. Қазіргі кезде оның лауазымы уақытша тоқтатылды, жұмыстан босатылған жоқ. Барлық материалды қарағаннан кейін, өзімнің пікірімді қалыптастырамын», - деді.

Бұдан бұрын хабарланғандай, Ақтау қалалық сотының төрағасы Мәлік Кенжалиевке қатысты жағдайға Маңғыстау облыстық сотының баспасөз қызметі мәлімет берген еді.

Біздің каналымызға жазылыңыз:

Басты сөздер: ҚР Жоғарғы соты, Сот, Заң,
Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT