#Жақсылық жаса: Семейлік жастар көпбалалы аналарға көмектесті
Қалада ауа температурасы -34 градус аяз. Осыған орай Жастар ресурстық орталығының өкілдері төтеншеліктермен бірлесіп рейдке шықты. Қызметкерлер мен жастар бірнеше сағат ішінде 200-ден астам отбасын аралады. Өрт сөндірушілер жылыту пештерінің дұрыстығын тексерсе, ерікті жастар көпбалалы отбасылар мен жалғыз басты зейнеткерлерге қандай көмек қажеттігін анықтады.
«Рейд барысында көпбалалы отбасыларға баса назар аударылды.
Олар негізінен ауладағы қарды тазалауға көмек сұрады.Тұрғындардың барлық өтініштерін тіркеп алдық. Бұл бағыттағы жұмыс қыс мезгілінің соңына дейін жалғасады», - деді қалалық Жастар ресурстық орталығының жетекшісі Олжас Соғымбай.
Арнайы көліктермен аулаларды аралаған төтенше жағдай мамандары қала тұрғындарына өртке қарсы шараларды сақтап, балаларды үйде жалғыз қалдырмауды ескертті.