+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Зейнетақы жинағын баспана сатып алуға кімдер пайдалана алады

2019 жылғы 18 қараша 12:45
Бөлісіңіз:
Зейнетақы жинағын баспана сатып алуға кімдер пайдалана алады

НҰР-СҰЛТАН. ҚазАқпарат - Қазақстандықтардың зейнетақы жинағын баспана сатып алуға беру мәселесі әлі талқыланып жатыр. Бұл туралы бүгін Үкімет үйіндегі баспасөз мәслихатында «Қазақстанның тұрғынүйқұрылысжинақбанкі» АҚ басқармасының төрағасы Ләззат Ибрагимова айтты, деп хабарлайды ҚазАқпарат тілшісі.

«Қазіргі уақытта Қазақстанның қаржыгерлер қауымдастығының базасында Ұлттық банкпен бірге зейнетақы жинақтарын пайдалану бойынша тығыз жұмыс істеп жатырмыз. Статистиканы зерделеудеміз. Өкінішке орай, ол республикалық бюджеттен төленетін әлеуметтік зейнетақы көлемі жыл сайын белсенді өсіп келе жатқанын көрсетті», - деді ол.

Оның атап өтуінше, азаматтар зейнетке шыққаннан кейін зейнетақы жинақтарын пайдалану үшін жалақының 70 пайыз көлемінде зейнетақы алуға мүмкіндік беретін жинағы болуы тиіс.

«Мұндай зейнетақы жинағы бар салымшылардың саны аз. Сондықтан қазіргі уақытта талқыланып жатқан тетік жинағының жеткілікті көлемі бар аздаған ғана салымшыға қатысты болмақ», - деді банк төрағасы.

Л.Ибрагимованың атап өтуінше, бұл мәселеге қатысты шешім жылдың соңына қарай әзірленетін болады.

«Егер қазір барлық қазақстандыққа зейнетақы жинағын жұмсауға рұқсат беретін болсақ, онда 15-20 жылдан кейін билікке мемлекеттік бюджеттен зейнетақы төлемдеріне тағы да ақша сұрауына тура келеді»,- деді ол.

Еске сала кетсек, Мемлекет басшысы Қасым-Жомарт Тоқаев 2 қыркүйектегі өз Жолдауында азаматтар зейнетақы жинағын баспана мен білім алуға жұмсай алуы керектігін айтқан. Және Үкіметке азаматтардың зейнетақы жинақтарын мақсатты пайдалану мәселесін пысықтауды тапсырды.
Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT