+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Зеренді ауданында 36 пәтерлі үй мен жаңа көпір пайдалануға берілді

2021 жылғы 3 шілде 14:17
Бөлісіңіз:
Зеренді ауданында 36 пәтерлі үй мен жаңа көпір пайдалануға берілді

КӨКШЕТАУ. ҚазАқпарат - Ел Тәуелсіздігінің 30 жылдығын мерекелеу аясында және Нұр-Сұлтан қаласының күні қарсаңында Ақмола облысының Зеренді ауданында 36 отбасы жаңа пәтерлі болды, деп хабарлайды ҚазАқпарат тілшісі.

Ұқсас жаңалықтар
Қарағанды облысында 300-ден астам жас дәрігер баспанамен қамтамасыз етілмек Тұрғын үй кооперативтерінің қызметін қатаң регламенттеу қажет – Мәжіліс депутаты Халықты баспанамен қамтуда алға шыққан үш өңір белгілі болды

Аудан әкімдігінің мәліметінше, баспаналы болғандардың дені халықтың әлеуметтік осал топтары. Жаңа пәтерлердің кілттерін аймақ басшысы Ермек Маржықпаев тапсырып, қуаныш иелерін құттықтады.

«Қазақстан Республикасы Тәуелсіздігінің 30 жылдығын мерекелеу аясында сіздермен бірге осы тамаша оқиғаның қуанышын бөліскеніме қуаныштымын – біздің тұрғындар көптен күткен жаңа 36 пәтерлі тұрғын үйдің кілттерін табыстап отырмын. Сіздерді қоныс тойымен құттықтаймын!»,- деді облыс әкімі Ермек Маржықпаев.

Айта кетсек, Зеренді ауданында халықтың әлеуметтік осал топтары үшін Зеренді ауылында тағы бір 45 пәтерлі тұрғын үйдің құрылысы жоспарлануда, жоба бойынша құрылыс-монтаждау жұмыстарының құны 289 миллион теңгені құрайды.

Сонымен бірге, Заречное ауылында Шағалалы өзені арқылы өтетін көпір салынып, пайдалануға берілді. Енді жалпы 930-дан астам тұрғыны бар Заречный және Елікті ауылдарының тұрғындары осы көпір арқылы қатынайтын болады.

«Көлік инфрақұрылымы бизнесті дамытудың маңызды факторы екені белгілі. Елді мекендердің өзара қарым - қатынасы жергілікті ауыл шаруашылығы тауарын өндірушілердің логистикасын жолға қоюға көмектеседі, өйткені жайылымдық және жем-шөп дайындайтын жерлердің негізгі бөлігі Шағалалы өзенінің сыртында орналасқан», - деп атап өтті өз сөзінде аймақ басшысы.

Үш жолақты көпірдің ұзындығы 75 метрді құрайды. Бір жағында жаяу жүргіншілерге арналған жол бар. Жобаның құны 368 миллион теңгеден асады, құрылыс жұмыстарын «Бука» ЖШС жүргізген.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT