Зеленоградта инкассаторларды тонап, 10 млн. рубльді алып кетті

АСТАНА. ҚазАқпарат - Белгісіз біреулер Зеленоградта инкассаторларды тонап кетті, деп хабарлады «Интерфакс» агенттігіне құқық қорғау органдарындағы дереккөз.

Оның айтуынша, шамамен сағат 10:30-да Зеленоградтың төртінші ауданындағы 431-ші корпустың қасында белгісіз бес адам дүкеннен шыққан инкассаторларға шабуыл жасаған.

Алдын ала мәліметтер бойынша, қарақшылар 10 млн. рубль ақша салынған сөмкені алып, екі көлікке мінген бойы іздерін суытқан.

Мәскеу және Подмосковьеде «Вулкан» жоспары бойынша шаралар өткізілуде.