Зарина Дияс Қытайдағы турнирдің ширек финалына шықты

АСТАНА. ҚазАқпарат - Қытай елінің Шэньчжень қаласында WTA-ның 500000 жүлде қоры бар турнир өтіп жатыр.

Қазақстандық теннисші Зарина Дияс екінші айналымда венгриялық Тимеа Бабошты 6:3, 6:4 есебімен ұтты.

Заринаның ширек финалдағы қарсыласы Словения спортшысы Полона Херцогты 6:3, 2:6, 6:2 есебімен жеңген әлемнің 97-ші ракеткасы, Қытайдың 20 жасар спортшысы Чжен Сайсай, деп хабарлайды sports.kz.